लन्डन । लन्डनमा अध्ययनरत सृजना गौतमले एसोसिएसन अफ चार्टर्ड सर्टिफाइड अकाउन्टेन्ट्स (एसीसीए) परीक्षामा विश्वमै दोश्रो स्थान हांसिल गरेकी छिन् । एसीसीएका कार्यकारी निर्देशक (स्ट्रयाटेजी एण्ड डेभलप्मेन्ट) एलन 
ह्याटफिल्डले गत मार्च २०१६ मा लिइएको परिक्षामा विश्वमै दोश्रो उत्कृष्ट नतिजा ल्याएर सिर्जनाले रजत पदक, नगद पुरस्कार र मेरिट सर्टिफिकेट प्राप्त गर्ने जनाउंदै बधाइ दिएका छन् । सृजनाले फाइभ प्रोफेशनल लेभल पेपरमा ३७८ स्कोर ल्याएकी हुन् ।

चितवन लंकु ६ स्थायी निवासी सृजना गौतम (भण्डारी) ले गत जुनमा भएको एसीसीए पि वान (प्रोफेशनल लेभल) परीक्षामा विश्वभरका २१ हजार ३ सय ७ जना परीक्षार्थीलाई उछिन्दै ८९ स्कोरसहित प्रथम स्थान हासिल गरेकी थिइन् ।

सन् २०१० सेप्टेम्बरमा यूके आएकी सृजनाले लन्डन मेट्रोपोलिटन 
युनिभर्सिटीबाट म्याथ एण्ड अकाउन्टिङमा ब्याचलर्स डिग्री गरेर एसीसीए पढ्न थालेकी थिइन् ।

सृजनाले अध्ययनमा सफलताका पछाडि लगाव, मिहेनत अनि परिवारको 
प्रेरणा र साथ मुख्य कारण रहेको बताइन् ।

बाबा रामराज भण्डारी र आमा ताराकी सुपुत्री २६ वर्षीया सृजनाले भविष्यमा अकाउन्टिङमै करिअर बनाउने लक्ष्य लिएकी छिन् । उनलाई श्रीमान् विशाल गौतम, ससुरा ओमिलाल गौतम र सासु पूर्णकला गौतमको पनि साथ छ ।