लन्डन । अख्तियार दुरुपयोग अनुसन्धान आयोगले बरिष्ठ पत्रकार, नागरिक समाजका अगुवा एवं साझा यातायातका अध्यक्ष कनकमणि दीक्षितलाई अकुत सम्पत्ति आर्जन गरेको आरोपमा गिरफ्तारी गरेकाप्रति बेलायतबाट निन्दा भएको छ ।
मानवअधिकार र शान्तिका लागि कार्यरत एउटा नयां संस्था नेपालका लागि अन्तर्राष्टिय ऐक्यवद्धता (इन्सोन) ले आयोगको कार्यशैलीप्रति गम्भीर चासो व्यक्त गरेको हो । संस्थाका संयोजक डा. कृष्ण उपाध्यायले एक विज्ञप्ति प्रकाशित गरि भ्रष्टाचार विरुद्ध आयोगको काम आफैंमा प्रशंसनीय भएपनि उसको गिरफ्तार शैलीप्रति ध्यानाकर्षण भएको जनाएका छन् ।
इन्सोनले दीक्षितको गिरफ्तारी प्रतिशोधका रुपमा भएको मिडिया रिपोर्टमा आएको जनाउंदै पारदर्शी, निष्पक्ष र स्वतन्त्र छानवीन माग समेत गरेको छ ।
