शनिबार, कार्तिक १५ २०७७ | Sat, October 31, 2020
नेपालको समय: १८:२१ | UK Time: 12:36

गायक प्रमोद खरेल, राता मकै र मुखां हान्नु जस्तो लन्डन आइपुगे

वीनेपाली
२०७३ वैशाख १६ गते २३:४२

13076698_10207838423817397_2342673324081275932_n

लन्डन । गायक प्रमोद खरेल र वरिष्ठ हास्य कलाकारहरु किरण केसी (ए राता मकै) एवं मुखां हान्नु जस्तो (शिवहरि पौडेल) बिहीबार लन्डन उत्रिएका छन् । नयां वर्षका अवसरमा डिएसआइ इन्टरटेनमेन्टले आयोजना गर्न लागेको नेपाली सांगीतिक सांझमा आफ्नो कला देखाउन उनीहरु यहां आइपुगेका हुन् ।

कलाकारत्रयको भोलि शुक्रबार नै बेजिंस्टोकमा कार्यक्रम छ । उनीहरुले अप्रिल २९ पछि मे १, ७ र ८ मा आसफोर्ड, अल्डरसट र फेल्थाममा कार्यक्रम गर्नेछन् ।

अहिले नेपालका चर्चित गायक खरेल दुबइमा कन्सर्ट गरे लगत्तै लन्डन आएका हुन् । उनका म बिना कसै कसैलाई मुश्किल छ पोखरामा…उसले जति माया तिम्लाई मैले पनि दिन्थें होला…याद गर्न पनि कोही न कोही त चाहिंदो रहेछ…आदि गीत हिट छन् ।

हास्यकलाकारद्धयको बेग्लै प्रतिष्ठा छ नेपालमा । एकताका खुबै चर्चित हांस्य श्रृंखला जिरे खुर्सानीमा मुखां हान्नु जस्तो थेगोले पौडेल र राता मकै थेगोका कारण केसी चर्चित थिए ।

प्रतिक्रिया

सम्बन्धित सामाग्री

फेसबुक