सोमबार, कार्तिक १० २०७७ | Mon, October 26, 2020
नेपालको समय: १६:०१ | UK Time: 10:16

भुकम्पको वर्षदिनको अवसरमा युकेमा नाटक मन्चन

वीनेपाली
२०७३ वैशाख १२ गते १४:४८

 

samay

लण्डन । नेपालको महाभुकम्पको वर्षदिनको अवसरमा विभिन्न कार्यक्रमहरु गरिँदा युकेका नेपाली कलाकारहरुले भने नाटकमार्फत फरक तरिकाले स्मरण गरेका छन् ।
रेडिङस्थित साउथ रेडिंग युथ एण्ड कम्युनिटी सेन्टरमा शनिबार उनीहरुले भुकम्पको झल्को दिने समय दृश्य नाटक मञ्चन गरे ।
फस्ट एजुकेट नेपालको प्रस्तुति र इन्टरन्याशनल नेपलिज आर्टिस्ट सोसाइटीको सहयोगमा प्रस्तुत नाटकको लेखन भक्त स्यांगतानले, प्रोड्युसिंग तेन्जी लामा पाख्रिनले र निर्देशन सनमकुमार बैरागले गरेका थिए ।
नाटकमा ज्यासङ लिङदेन, दीपक गुरुङ, सुरेश श्रेष्ठ, ओमकार अधिकारी, दुर्गा गुरुङ, प्रसुना कँडेल, जानु काम्वाङ लिङदेन, रोशन राई, अञ्जु, सुस्मिता, गंगा, अलिसा लगायतको भूमिका रहेको थियो ।
नाटकमा महाभुकम्पमा परेर परिवार गुमाएकाहरुको पीडा, घाइतेहरुको आर्तनाद, सर्वस्व गुमाएर बिल्लिबाठ भएकाहरुको दुर्दशा, राहत वितरणमा देखिएको विकृति र सरकारी अव्यवस्था, दुःखमा परेकाहरुलाई सघाउन देखाइएको तदारुकता आदि देखाइएको छ ।
नाटकलाई बेलायतका अन्य ठाउँमा समेत देखाइने प्रोड्युसर लामाले जानकारी दिए भने नाटक तयारीका लागि तीन महिना लामो रिहर्सल गरिएको निर्देशक बैरागले बताए ।
कार्यक्रमका प्रमुख अतिथि नेपाल पत्रकार महासंघ युकेका अध्यक्ष नरेश खपाङ्गीमगरले नाटकले महाभुकम्पपछिको धेरै पाटा–पक्षहरुलाई समेटेको र नेपालीहरु एक हुनुपर्छ भन्ने सन्देश दिएको बताए ।
युकेमा विभिन्न किसिमका साँस्कृति र साहित्यिक कार्यक्रम हुँदै आए पनि प्रत्यक्ष नाटक मञ्चन भने गरिएको थिएन ।

प्रतिक्रिया

सम्बन्धित सामाग्री

फेसबुक