आइतबार, कार्तिक ९ २०७७ | Sun, October 25, 2020
नेपालको समय: ०९:१४ | UK Time: 03:29

चोरी डकैतीबाट बच्ने १६ उपाय

वीनेपाली
२०७३ वैशाख ९ गते २१:५३
तस्बीर इन्टरनेटबाट

तस्बीर इन्टरनेटबाट

फेब्रुअरी (२०१६) को शुरुवातदेखि अल्डरसट क्षेत्रमा चोरीडकैती बढेको छ । केही घटनाको शिकार सैनिक पृष्ठभूमिका सुनका गहनाहरु भएका नेपाली परिवार पनि बनेका छन् । यस्तो चोरी डकैती गर्नेहरु वरपरकै र पैदलै आएको हुन सक्छन् । सन् २०१४ ताका भएका चोरीका घटनाभन्दा अहिलेका घटनाहरु फरक छन् । चोरहरु घरमा कोही नभएको मौका पारेर, दिनको समयमा छिरेको पाइएको छ । यसरी छिर्दा मूलढोका वा पछाडिको ढोकाबाट जबरजस्ती छिरेको भेटिएको छ ।
प्राय नेपालीहरुसित असली सुनका गहना हुने चोरहरुले सुइँको पाएपछि हाम्रो चासो र चिन्ता बढेको छ । नेपाली समुदायमा चोरी डकैतीका घटना अझै बढ्न सक्ने सम्भावना नकार्न सकिँदैन । यी तलका सामान्य सावधानीका तरिकाहरु अपनाएमा चोरीडकैतीबाट बच्न सकिन्छ ।
१) गरगहनाहरुको बीमा गर्नुहोस् र बीमायुक्त सेफमा राख्नुहोस् । त्यस्तो सेफ झट्ट नदेखिने ठाउँमा र र भित्ता वा भुइँसित जाेडेर सुरक्षित गरेर राख्नुहोस् । बीमा कम्पनीसित सेफलाई कसरी सुरक्षित तवरबाट चलाउने भन्ने बारेमा जानकारी लिनुहोस् । बैँकहरुले अहिले यस्तो सेवा दिन छोडेका छन् ।
२) तपाईको घर पूर्णरुपमा सुरक्षित गर्नुहोस् । कतै सुरक्षाका दृष्टिकोणले कमजोरी छ कि भनेर हेर्नुहोस् र त्यस्तो भए सुधार गर्नुहोस् ।
३) फेसबुक, भाइबरमा आदिमा आफ्ना गहनाका बारेमा विज्ञापन नगर्नुहोस् ।
४) घरबाट निस्कनुअघि घर पूर्णरुपमा बन्द गरियो कि गरिएन भनेर जाँच गर्नुहोस् । मूलढाेका र झ्यालहरु चाबी लाएर बन्द गर्नुहोस् ।
५) गहनाहरुको तस्वीर लिइराख्नुहोस् । सादा कागजमा रुलरसित पनि फोटो खिच्नुहोस् किनभने तपाईको गहना कत्रो आकारको भन्ने थाहा पाउन यसले मद्दत गर्दछ । गहनाहरु लगाएर पनि फोटो खिचि राख्नुहोस् किनभने यसले त्यो गहना तपाईको हो भन्ने पुष्टि गर्न सजिलो हुन्छ ।
६) कति सुन र गहना छन् भन्ने सूची बनाइ राख्नुहोस् । यसले यदि गहना हराइहालेको अवस्थामा अनुसन्धानमा सहयोग गर्छ ।
७) तपाईको घर फ्री न्याशनल प्रोपर्टी रजिष्टर www.immobilise.com मा दर्ता गर्नुहोस् ।
८) गहनाहरु लगाएको फोटोहरु फेसबुक लगायतका सोसल मिडियामा नराख्नुहोस् ।
९) घरबाट बाहिर जाँदैछु वा बाहिर छु भनेर फेसबुक लगायतका सोसल मिडियामा नराख्नुहोस् ।
१०) यदि घरमा बहुमूल्य गरगहना राख्ने हो भने निगरानी राख्ने अलार्महरु जाेड्नु होस् ।
११) घर बाहिर वा लामो बिदामा जाँदा विश्वासलाग्दा छिमेकीहरुलाई हेर्दिनु भन्नुहोस् ।
१२) नेबरहुड वाच योजनामा सरिक हुने वा त्यस्तो योजना बनाउनुहोस् ।
१३) बहुमूल्य सामानहरु बैँकको भल्टमा वा सुरक्षित सेफमा मात्र राख्नुहोस् ।
१४) भर्याङ, बगैँचाका औजारहरु बाहिर नछोडनुहोस् । तिनीहरुलाई सुरक्षित राख्नुहोस् ताकि चोरले प्रयोग गर्न नसकोस् ।
१५) पछाडिको बार( काठका पर्खाल) हरु राम्रो अवस्थामा राख्नुहोस् ।
१६) भूइँतल्लाका झ्यालहरु सुतेको बेलामा कहिल्यै खुल्ला नराख्नुहोस् ।
यस्ता सन्देशहरु आफ्ना नातागोता र परिवारका सदस्यहरुलाई बाँडनुहोस् ।

Treeshna Rai

तृष्णा राई

लेखक अल्डरसट नर्थ नेबरहुड पुलिसिङ टीममा पुलिस कम्युनिटी सपोर्ट अफिसरका रुपमा कार्यरत छिन् ।

याे लेख एभरेष्ट टाइम्स साप्ताहिकमा प्रकाशित राईकाे अंग्रेजी लेखकाे नेपाली भावानुवाद हाे ।

प्रतिक्रिया

सम्बन्धित सामाग्री

फेसबुक