बेलायतका लागि दुबसु क्षेत्री राजदूत सिफारिस 

लन्डन । अन्ततः करिब २ वर्षपछि लन्डनस्थित नेपाली दूतावासले राजदूत पाउने भएको छ । मन्त्रिपरिषदले मंगलबार दुबसु क्षेत्री (दुर्गाबहादुर सुवेदी) लाई बेलायतका लागि नेपाली राजदूत सिफारिस गरेको हो ।

डा. सुरेशचन्द्र चालिसेको कार्यकाल सकिएर उनी नेपाल फर्केपछि यहां राजदूत खाली थियो । नयां संविधान निर्माण प्रक्रिया र दलहरुबीचको भागवण्डाले राजदूत नियुक्ति अवरुद्ध हुंदै आएको थियो ।

कार्यवहाक राजदूत तेजबहादुर क्षेत्रीले बेलायतका लागि नेपाली राजदूत नियुक्तिबारे परराष्ट्रबाट औपचारिक जानकारी आउन बांकी रहेको जनाए ।

मन्त्रिपरिषदले एकै पटक २१ राजदूत नियुक्त गरेको छ । यसअघि ति दूतावास नेतृत्वविहीन थिए ।

को कहां सिफारिस ?

डा.महेन्द्र बहादुर पाण्डे–चीन
निरन्जन थापा– रसिया
लक्की शेर्पा – अस्ट्रेलिया
डा. दुर्गाबहादुर सुवेदी – बेलायत
डा. खडग केसी –जापान
लोकबहादुर थापा –बेल्जियम
सेवा लम्साल अधिकारी –पाकिस्तान
युवनाथ लम्साल –डेनमार्क
प्रकास सुवेदी – अस्ट्रिया
युवराज कार्की – दक्षिण कोरिया
भरत बहादुर रायमाझी – यूएई
डा.महेन्द्र सिंह – कतार
खगेन्द्र बस्नेत -बंगलादेश
नारद भारद्धाज – श्रीलंका
ताराप्रसाद पोखरेल– ब्राजिल
झबिन्द्र अर्याल-इजिप्ट
पदम सुन्दास -बहराइन
रमेशप्रसाद खनाल–जर्मनी
अलिअख्तर मिकरानी – सउदी अरेविया
डा. शिवमाया तुम्वाहम्फे – इजरायल
ॠषिराम घिमिरे – म्यानमार