शुक्रबार, कार्तिक १४ २०७७ | Fri, October 30, 2020
नेपालको समय: १७:१० | UK Time: 11:25

अनमोल भुवनले पाए भिजा

वीनेपाली
२०७३ वैशाख ४ गते १:१४
Anmol-KC-Samragyee-RL-Shah-Dreams-Movie-Images-2

अनमोल र साम्राज्ञी

लन्डन । बेलायत बस्ने नेपाली चलचित्रप्रेमीहरुलाई खुशीको खबर छ । कारण, अभिनेता भुवन केसी र उनका सुपुत्र लोकप्रिय नायक अनमोल केसीको यूके भिजा लागेको छ । भिजा गाइड नेपालले केसी बाबु छोराको यूके भिजा आवेदन सफल भएको जनाउंदै प्रसन्नता व्यक्त गरेको छ । उनीहरुको यूके आउने मिति भने तय हुन बांकी छ । अनमोल र भुवन ले यूकेवासी नेपालीलाई फिल्मको शोमा आउन निम्तो दिएका छन् । (तल प्रोमो हेर्नुहोस्)

सपन इन्टरटेनमेन्ट लि. यूकेले आगामी ८ मे मा दि इम्पायर ब्याङक्यूटिङ हल, अल्डरसटमा गर्न लागेको भुवन केसी निर्देशित फिल्म ड्रिम्स् को प्रिमियर शोमा उनीहरु आउने भएका हुन् । उक्त फिल्म १५ मेमा सफारी सिनेमा हल, ह्यारोमा समेत प्रदर्शन गर्ने तयारी छ । सपन इन्टरटेनमेन्टका प्रवन्ध निर्देशक सपनकुमार राईले बेलायतवासी नेपालीलाई फिल्म हेर्न र भुवन अनमोलसंग प्रत्यक्ष साक्षात्कारको अवसर नगुमाउन आग्रह गरेका छन् ।

फागुन २१ मा रिलिज भएको ड्रिम्स् ले दुई दिनमै यसको लगानी उठाएको थियो । फिल्ममा अनमोल, साम्राज्ञी राज्य लक्ष्मी शाह र सन्ध्या केसीको लिड रोल छ । ड्रिम्स् को सफलतासंगै यतिखेर नेपाली चलचित्र उद्योगमा भुवन केसी र अनमोल केसी चर्चाको शिखरमा छन् ।

अनमोलका यसअघि होस्टेल र जेरी फिल्म पनि चर्चा बटुल्न सफल भएका थिए ।
सन् २०१३ मा होस्टेल फिल्मबाट अनमोलले फिल्मी खवर अवार्ड, बक्स अफिस फिल्म अवार्ड र इन्फा अवार्डस् (हङकङ) मा वेष्ट डेबुट एक्टरको अवार्ड पाएका थिए । होस्टेलबाटै उनी कामना फिल्म अवार्डस् र नेफ्टा अवार्डस्का लागि नोमिनेट भए । अनमोल जेरी फिल्मका लागि एनएफडिसी र नेफ्टा अवार्डस् २०१५ मा पपुलर एक्टर अफ दि इयरमा मनोनित भएका थिए ।

 

प्रतिक्रिया

सम्बन्धित सामाग्री

फेसबुक