दोलखामा स्वास्थ्य सेवा पुनःसंचालनमा युकेका नेपाली डक्टर्सले सघाउने

लण्डन । नेपलिज डक्टर्स एसोसिएसन युकेले भुकम्पका कारण स्वास्थ्यसेवा तहसनहस भएको दोलखा जिल्लामा स्वास्थ्य सेवा पुनः संचालनमा सघाउन युकेमा च्यारिटी डिनर गर्ने भएको छ ।
मे १ तारिखका दिन साँझ ६ बजे अल्डरसटस्थित एम्पाएर बाङक्वेटिङ हलमा सो च्यारिटी डिनरको आयोजना गरिएको छ । सो च्यारिटीका लागि टिकर दर ३५ पाउण्ड तोकिएको छ । १८ वर्षमुनीका विद्यार्थीहरुका लागि टिकटको मूल्य २५ पाउण्ड राखिएको छ ।
एसोसिएनले अन्तिम समयमा टिकटका लागि दौडधूप गर्नुभन्दा समयमै टिकट लिइ ढुक्क हुन सम्बन्धित सबैमा अनुरोध गरेको छ । टिकट शुल्क बैँक वा चेकमार्फत भुक्तानी गर्न सकिने जनाइएको छ । बैँकमार्फत भुक्तानीका लागि NDA, NatWest Bank: sort code 600519, AC no: 19654162 तोकिएको छ भने चेक पठाउन चाहनेहरुका एनडीए युकेको नाममा चेक तयार गरी Dr Sachin Gurung, Flat 28, Caraway Heights, 240 Poplar High Street, London, E14 0BG मा पठाउन सकिने छ ।
एसोसिएनका अध्यक्ष डा. बिना थेबेका अनुसार दोलखा जिल्लामा भुकम्पका कारण ८५ प्रतिशत स्वास्थ्य सेवा ध्वस्त भएकाले सो सेवा पुनः संचालनका लागि कार्यरत पोसिवल नेपाल नामक संस्थालाई च्यारिटीबाट संकलित रकम हस्तान्तरण गरिने छ ।