आइतबार, कार्तिक ९ २०७७ | Sun, October 25, 2020
नेपालको समय: ००:०८ | UK Time: 19:23

संसदीय दलको नेतामा देउवा विजयी

वीनेपाली
२०७२ चैत २४ गते १०:३४
नेपाली काँग्रेस संसदीय दलको नेताका लागि संसदीय दलको कार्यालय सिंहदरबारमा बुधबार मतदानमा सहभागी हुँदै काँग्रेसका सभापति शेरबहादुर देउवा र वरिष्ठ नेता रामचन्द्र पौडेल । तस्बिर ः रोशन सापकोटा, रासस

नेपाली काँग्रेस संसदीय दलको नेताका लागि संसदीय दलको कार्यालय सिंहदरबारमा बुधबार मतदानमा सहभागी हुँदै काँग्रेसका सभापति शेरबहादुर देउवा र वरिष्ठ नेता रामचन्द्र पौडेल । तस्बिर ः रोशन सापकोटा, रासस

काठमाडौँ, २४ चैत । संसद्को सबैभन्दा ठूलो दल नेपाली काँग्रेस संसदीय दलको नेतामा पार्टी सभापति शेरबहादुर देउवा निर्वाचित हुनुभएको छ ।

देउवाले १३९ मत प्राप्त गर्नुभएको थियो भने उहाँका प्रतिस्पर्धी वरिष्ठ नेता रामचन्द्र पौडेलले ६७ मत प्राप्त गर्नुभएको निर्वाचन समितिका संयोजक रमेश रिजालले राससलाई जानकारी दिनुभयो ।

काँग्रेसका २०७ सांसद्मध्ये २०६ जनाले मतदान गर्नुभएको थियो ।

केन्द्रीय सदस्य एवम् सांसद् नरहरि आचार्य बिरामी हुनुभएकाले मतदान गर्न आउन सक्नुभएन । घरमा लडेर घाइते हुनुभएका अर्का नेता डा रामशरण महतले भने इच्छाइएका स्वकीय सचिव रमेश महतमार्फत मतदान गर्नुभएको समिति सदस्य गुरुराज घिमिरेले जानकारी दिनुभयो ।

विद्युतीय मतदान यन्त्रबाट मतदान गरिएकाले छिट्टै परिणाम प्राप्त भएको हो ।

प्रतिक्रिया

सम्बन्धित सामाग्री

फेसबुक