काठमाडौँ, २ चैत । नेपाली काँग्रेसका नेता रामचन्द्र पौडेलले आज पार्टीका नवनिर्वाचित केन्द्रीय पदाधिकारी तथा सदस्यलाई बधाई दिनुभएको छ ।

आफ्नै निवास बोहोराटारमा चियापान कार्यक्रमको आयोजना गरी उहाँले सभापति शेरबहादुर देउवासहितका पदाधिकारी तथा केन्द्रीय सदस्यलाई बधाई दिनुभएको हो । नेता पौडेलले सभापति देउवा, महामन्त्री डा शशाङ्क कोइराला, कोषाध्यक्ष सीतादेवी यादवलगायतको कार्यकाल सफलताको शुभकामना दिनुभयो ।

चियापानमा प्रकाशमान सिंह, डा शेखर कोइराला, खुमबहादुर खड्का, विमलेन्द्र निधि, कुलबहादुर गुरुङ, गोपालमान श्रेष्ठलगायत अधिकांश केन्द्रीय सदस्यको पनि सहभागिता थियो ।