मंगलबार, असोज ६ २०७७ | Tue, September 22, 2020
नेपालको समय: २३:०७ | UK Time: 18:22

विश्वभर ६९ करोड बालबालिका जलवायु परिवर्तनबाट प्रत्यक्ष प्रभावित हुने

वीनेपाली
२०७२ मंसिर ९ गते ०:१६

climate-change

जेनेभा (स्वीट्जरल्यान्ड), ८ मङ्सिर । युनिसेफले मङ्गलबार एक तथ्याङ्क सार्वजनिक गर्दै विश्वभरका ६९ करोड बालबालिका जलवायु परिवर्तनका कारण हुने विभिन्न खाले असरबाट प्रभावित हुने भएका बताएको छ ।

यसमध्ये, ५३ करोड बालबालिका उच्च बाढीको प्रभाव क्षेत्रमा रहेको तथा १६ करोड बालबालिका खडेरी प्रभावित क्षेत्रमा बसोबास गर्दै आएको युनिसेफको भर्खरै सार्वजनिक तथ्याङ्कले जनाएको छ ।

पेरिसमा हुन लागेको संयुक्त राष्ट्रसङ्घ जलवायु परिवर्तन सम्मेलन (सीओपी–२१) पूर्व सार्वजनिक गरिएको तथ्याङ्क अनुसार ५३ करोड बाढी प्रभावित क्षेत्रमा बसोबास गर्ने बालबालिकामध्ये पनि झन्डै ५० प्रतिशत बालबालिका गरिबीको रेखामुनि रहेका छन् ।

विश्वभरका करिब ३० करोड बालबालिका गरिबीको समस्या (३.१० अमेरिकी डलर) खेप्दै बाँच्न बाध्य रहेको युनिसेफको पछिल्लो तथ्याङ्कले जनाएको छ ।

बालबालिकाको वर्तमान स्थितिलाई हेर्दा तत्काल यो भयावह स्थितिको सामना गर्न नयाँ कार्यक्रम ल्याउनुपर्ने, युनिसेफका कार्यकारी निर्देशक एन्थोनी लेकले एक वक्तव्य जारी गर्दे बताउनुभएको छ ।

आजका बालबालिका जलवायु परिवर्तनका असरप्रति एकदमै कम जिम्मेवार भएका बताउँदै युनिसेपफ प्रमुख लेकले भन्नुभयो, जलवायु परिवर्तनको शिकार भने उनीहरु आफै र तिनका आगामी पुस्ताले व्यहोर्नु पर्छ । यसका कारण उनीहरुले जलवायु परिवर्तनलाई नियन्त्रण गर्ने योजनासहित आगामी दिनमा अघि बढ्नु पर्नेछ ।

यसमा पनि अति गरिब र अल्पविकसित समुदायका बालबालिकाले जलवायु परिवर्तनको असरबाट प्रभावित हुने छन्, उहाँले भन्नुभयो ।

प्रतिक्रिया

सम्बन्धित सामाग्री

फेसबुक