काठमाडौँ, ५ कात्तिक । राष्ट्रपति डा रामवरण यादवले राष्ट्रपति भवन शीतल निवासमा आज सर्वसाधारणलाई विजयादशमीको टीका लगाइदिएका छन् ।
समाजका प्रतिष्ठित व्यक्तित्व, महिला, पूर्वमन्त्री, विभिन्न राजनीतिक दलका नेता तथा कार्यकर्ता, निजामती एवम् जङ्गी सेवाका बहालवाला तथा पूर्वकर्मचारीलगायत सयौँ नेपाली नागरिकलाई राष्ट्रपतिले टीका लगाइदिएर राष्ट्र र देशवासीको सुख, समृद्धि र शान्तिको कामना गरे ।
राष्ट्रपति कार्यालयले विजयादशमीका दिन आज इच्छुक सर्वसाधारणलाई राष्ट्रपतिको हातबाट टीका लगाउनका लागि अपराह्न १ः३० बजेदेखि साँझ ५ बजेसम्म शीतल निवासको ढोका खुला गरेको थियो ।
