मंगलबार, माघ १३ २०७७ | Tue, January 26, 2021
नेपालको समय: २०:३५ | UK Time: 14:50

पर्यटन विकासमा लक्षित ब्रिटेन च्याम्बर अफ कमर्शको कार्यक्रम

वीनेपाली
२०७२ असोज २३ गते १२:३२

unnamedलन्डन । नेपालको महाभूकम्प पश्चात धरासायी भएको सामुदायिक उद्यम तथा ब्यापारको अवस्थामा सघाउने उद्देश्यले ब्रिटेन नेपाल च्याम्बर अफ कमर्शले लण्डनमा एक कार्यक्रम गरेको छ । गत बिहीबार सेन्ट्रल लण्डनको चर्च अफ स्कटल्याण्डको सभाहलमा आयोजित उक्त कार्यक्रममा भ्रमण तथा ब्यापार मार्फत नेपालसंग जोडिएका बेलायती नागरिकहरुको उल्लेख्य उपस्थिति थियो । कार्यक्रममा प्रवेश शुल्क लगायत संकलन गरिएको रकम सम्बन्धित क्षेत्रको बिकासमा सहयोग स्वरूप खर्चिने आयोजकले बताएका छन् ।
कार्यक्रममा बिना अक्सिजन सगरमाथाको सफल आरोहण गर्ने प्रथम बेलायती नागरिक स्टेफन भिनेबल्सले “वियोन्ड एभरेस्ट” नामक शब्द चित्र प्रस्तुत गरेका थिए ।
हिमालय आरोहीको अलावा एक प्रसिद्द लेखक तथा बक्ताको परिचय समेत बनाएका भिनेबल्स आफ्नो हिमाल आरोहणसंग जोडेर बनाएको फोटो स्लाइड संगको प्रस्तुतिले कार्यक्रमलाई नेपालमय बनाएको थियो । उनले आफ्नो प्रस्तुतिमा भूकम्प पश्चात नेपाल भ्रमणको लागि सुरक्षित रहेको बताएका थिए ।

त्यसैगरि बीबीसी वर्ल्ड सर्भिसका डेनियल वालेसले “अर्थ क्वयेक एट एभरेस्ट क्याम्प ” नामक प्रस्तुतिमा बिनासकारी भूकम्पले सगरमाथा आधार शिविरमा पुर्याएको असरबारे प्रकाश पारेका थिए । भूकम्पपछिको हिम पहिरो र त्यसले गरेको मानवीय क्षति लगायत बिषयमा प्रस्तुति दिदै उनले उद्दार कार्यमा नेपाल र नेपालीले देखाएको साहसको सराहना गरेका थिए ।

कार्यक्रममा ब्रिटेन नेपाल च्याम्बर अफ कमर्शका अध्यक्ष राजन कंडेलले उपस्थितहरुलाई धन्यबाद दिदै नेपालको दिगो बिकासको लागी सहयोग भन्दा पनि व्यापारमा लगानी बढाउनु पर्ने धारणा व्यक्त गरेका थिए ।

कार्यक्रममा बेलायती कम्पनीका प्रतिनिधि तथा नेपाली समुदायका व्यवसायीहरुको उपस्थिति थियो । उक्त अवसरमा नेपालको पर्यटन प्रवर्धनमा टेवा पुग्ने खालका सामग्रीहरु प्रदर्शन गरिएको थियो । बिदेशमा रहेका नेपालि संघ संस्था हरुले पनि यस्तो खालको कार्यक्रम गर्न सके खासमा नेपालको लागि धेरै फाईदा पुग्ने कुरा सहभागी नेपालीले बताएका थिए ।

प्रतिक्रिया

सम्बन्धित सामाग्री

फेसबुक