बैरागी काईंलालाई पांचथर समाजले सम्मान गर्ने

लन्डन । पांचथर समाज सेवा यूकेले वरिष्ठ साहित्यकार तथा प्रज्ञा प्रतिष्ठानका पूर्व कुलपति बैरागी काईंलालाई विशेष सम्मान गर्ने भएको छ । हाल बेलायत भ्रमणमा रहेका काईंलालाई यही १० अक्टोबरका दिन बिजिडब्लुएस् गोर्खा भवन फार्नबोरोमा सम्मान गर्न लागिएको समाजले जनाएको छ । समाजले कार्यक्रममा सहभागिता जनाइदिन आग्रह समेत गरेको छ ।

यसअघि उनलाई नेपाली प्रतिभा प्रतिष्ठान, बेलायतले सम्मान गरिसकेको 
छ । साथै, अन्तर्राष्ट्रिय वाङ्मय प्रतिष्ठान, बेलायतले पनि काईंलाको आतिथ्यमा आगामी अक्टोबर ११ मा ‘डायष्पोरमा आयामेली सन्दर्भ, आख्यानको विमर्श तथा साहित्य र पत्रकारिताको अन्तर सम्वन्ध’ विषयक अन्तरक्रिया गर्दैछ ।