बिहीबार, मंसिर १६ २०७८ | Thu, December 02, 2021
नेपालको समय: २२:०८ | UK Time: 16:23

अब स्ट्यानमोरमा पनि एभरेष्ट स्पाइस

वीनेपाली
२०७२ असोज १२ गते ९:५९

logo

लन्डन । लन्डनमा अति व्यस्त एभरेष्ट स्पाइस रेष्टुरेन्टको छैठौं आउटलेट खुलेको छ । लन्डनको पोस एरिया स्ट्यानमोर हिलमा रेष्टुरेन्ट खुलेको हो । सभाकक्ष समेत गरि ५ सय बढि सिट क्षमताको उक्त इन्डियन रेष्टुरेन्ट आइतबार देखि औपचारिक रुपमा सञ्चालनमा आएको 
छ । सञ्चालक मिलन भट्टराईकै शब्दमा नेपालीले लन्डनमा सञ्चालन गरेको यति ठूलो रेष्टुरेन्ट सम्भवतः यो पहिलो हो ।

 

गत आइतबार सांझ आयोजित उद्घाटन समारोहमा सञ्चालक भट्टराईले व्यवसाय विस्तारका क्रममा खुलेको आफ्नो छैठौं रेष्टुरेन्टले स्वादिष्ट खानामात्र होइन, विभिन्न सभा समारोह गर्न उचित स्थान उपलव्ध समेत गराउने जनाए । उनले नेपाली समुदायका लागि विभिन्न समारोह गर्न विशेष छुट दिने जनाउंदै यसबाट लाभान्वित हुन नेपालीलाई आग्रह समेत गरे ।

भट्टराईले अब सेन्ट्रल लन्डनमा नामी टेक वे चेन खोल्ने योजना समेत बनाइएको जनाएका छन् । उद्घाटन समारोहकै लागि अष्ट्रिज नेपालका सञ्चालक तिलकराज कंडेल लन्डन आएका थिए । समारोहमा करिब चारसय अतिथी र ग्राहक निम्त्याइएको थियो । एभरेष्ट स्पाइसका हनीपट लेन र ह्यारो आउटलेट अति चल्ने मध्येका इन्डियन रेष्टुरेन्ट हुन् ।

भट्टराईले भूकम्प लगत्तै पीडितका लागि आफ्नो रेष्टुरेन्टमा च्यारिटी र व्यक्तिगत गरि ५० लाख रुपैयां नेपाल गएर प्रदान गरेका थिए ।

12080752_10153651328351197_515378290_n

 

प्रतिक्रिया

सम्बन्धित सामाग्री

फेसबुक