गाेरखा पेन्सनरका श्रीमतीलाई निशुल्क बस पास दिन स्वीण्डन काउन्सिल सकारात्मक

Swindon council

लण्डन । स्वीण्डन बाेराे काउन्सिलले सेवा निवृत्त गाेरखा सैनिकका श्रीमतीहरूलाई निशुल्क बस पास दिने प्रस्तावमाथि साेच विचार गर्ने भएकाे छ ।

काउन्सिलका काउन्सिलर तथा यातायात समितिका सदस्य डेल हिनानले सैन्य सेवाका पेन्सनरहरूका श्रीमतीहरूलाई निशुल्क बस पास पाउने उमेर नपुगे पनि यस्ताे सुविधा दिन सकिन्छ कि भनि स्थानिय सांसदहरूलाई पत्राचार गरेकाे बताए ।

स्वीण्डनस्थित गाेरखा ज्येष्ठ नागरिक समाजले पेन्सनर गाेरखाका कम उमेरका श्रीमतीहरूलाई निशुल्क बस पास दिन माग गर्दै अाएकाे छ । समाजका संयाेजक लालसुन्दर राई गाेरखाहरूकाे सम्बन्ध विच्छेद दर सामान्य नेपालीभन्दा दुगुना भएका कारण उनीहरूका श्रीमतीहरू कम उमेरका हुने गरेकाे र श्रीमानले निशुल्क बस पास पाउने उमेर पुगिसक्दा पनि श्रीमतीहरूले कम उमेरका कारण यस्ताे सुविधा नपाउँदा समस्या अाएकाे बताए ।

यसले सामाजिक बहिष्करण ल्याएकाे, साथीभाइ, नातागाेता, परिवार भेट्न मात्र हाेइन अस्पताल, काउन्सिलका भेटघाटमा पनि समस्या ल्याएकाे राईकाे भनाइ छ । ‘हामीले बेलायतका लागि लड्याैँ, १३ वटा भिक्टाेरिया क्रस पनि पायाैँ । अहिले हाम्रा श्रीमतीलाई सानाे मद्दतका लागि लड्नु अति नै हुन्छ’ उनले भने ।

काउन्सिलर हिनानले निश्चित उमेर पुगेपछि सबैले निशुल्क बस पास पाउने तर गाेरखाहरूका सन्दर्भमा कम उमेर भएकालाई दिनुपर्छ भन्ने माग अाफू सैनिक पृष्ठभूमिबाट अाएकाले बुझेकाे बताए । काउन्सिलले सबैलाई समान व्यवहार गर्नपर्ने भएकाले यदि यस्ताे सुविधा पूर्व सैनिकहरूलाई विस्तार गर्न सकिन्छ कि भनेर लागिपरेकाे उनकाे भनाइ थियाे ।

प्रतिक्रिया

सम्बन्धित सामाग्री