भारतीय राजदूतले ओलीसंग भनेः सहमतिमा संविधान जारी गर्नुस्

उता, भारतीय राजदूत रायले एकीकृत नेकपा (माओवादी) का अध्यक्ष पुष्पकमल दाहालसंग पनि भेटवार्ता गरेका छन् ।  ।

भेटवार्तामा संविधान लेखन प्रक्रिया र यसमा राजनीतिक दलहरुले निभाउँदै आएको भूमिकाका विषयमा कुराकानी भएको थियो ।

सो अवसरमा अध्यक्ष दाहालले सबै पक्षको सहमतिमा छिटोभन्दा छिटो संविधान जारी गर्न प्रमुख राजनीतिक दल क्रियाशील रहेको बताएको अध्यक्ष दाहालका सहयोगी शिव खकुरेलले जानकारी दिए ।

सङ्घीय प्रदेशको सीमा निर्धारणपछि मुलुकका विभिन्न स्थानमा विभिन्न समुदायले प्रकट गरिरहेको असन्तुष्टिलाई सम्बोधन गर्ने प्रयत्न जारी राखिएको समेत अध्यक्ष दाहालले बताएका थिए ।

राजदूत रायले छिटोभन्दा छिटो संविधान जारी होस् भन्ने पक्षमा भारत रहेको जानकारी दिँदै असन्तुष्ट पक्षलाई सहमतिमा ल्याउन अधिकतम प्रयत्न गर्न अध्यक्ष दाहाललाई आग्रह गरेको बताइएको छ ।