सोमबार, असोज १२ २०७७ | Mon, September 28, 2020
नेपालको समय: ०५:२० | UK Time: 00:35

गल्फरहरुले उठाए भूकम्प पीडितका लागि ७ लाख रुपैयां

वीनेपाली
२०७२ भदौ २४ गते २३:५२

tav golf club 2

लन्डन । टेभिस्टक गल्फ क्लवले नेपालका भूकम्प पीडितका लागि हालै च्यारिटी फन डे कार्यक्रम गरेको छ । पूर्व गोर्खा अफिसर माइक रोय र उनकी जीवनसंगिनी जेनी साथै क्लवका स्वयंसेवकहरुद्धारा आयोजित च्यारिटीबाट ३८०२ पाउण्ड (करिब ७ लाख रुपैयां) संकलन भएको छ । उक्त रकम गोर्खा वेलफेयर ट्रष्टमार्फत नेपालमा भूकम्प पीडित र पुनर्निर्माणमा खर्च गरिने क्लवले जनाएको छ । संकलित रकमबाट नेपालमा १५ वटा अस्थायी छाप्रा बनाउन सकिने विश्वास ट्रष्टको छ ।

उक्त अवसरमा ट्रष्टका साउथ वेष्ट अध्यक्ष ब्रिगेडियर ब्रुस ज्याकमेनले नेपालमा ट्रष्टको योगदानबारे प्रकाश पार्दै भूकम्प पीडितका लागि अस्थायी आवास निर्माणमा सघाइरहेको उल्लेख गरे ।

ट्रष्टले नेपालमा मनसुन सकिंदै गर्दा भूकम्प पीडित गोर्खा भेट्रान र तिनको समुदायका लागि अस्थायी आवास गृह निर्माणमा चुनौती आइपरेको जनाउंदै आर्थिक सहयोग गर्न अपिल समेत गरेको छ ।

उक्त दिन आयोजित चार इभेन्टमा पुरुषतर्फ मार्क थोम्सन्, म्याट बोन, निक कोय र जेन थोम्सन् विजयी भए भने महिलातर्फ सेली टिम्पसन, मार्गरेट बर्न, प्याट पोप र सु इष्टउड विजयी भए ।

प्रतिक्रिया

सम्बन्धित सामाग्री

फेसबुक