बर्लिन (जर्मनी), २० भदौ । जर्मनीको प्रहरीले करिब ५००० आप्रवासी आइतबार जर्मनी प्रवेश गरेको जनाएको छ ।
आइतबार सबेरै ३००० विदेशी शरणार्थी जर्मनी आइपुगेका यहाँको प्रहरीका प्रवक्ताले जनाए ।

यसअघि शनिबार करिब ८००० शरणार्थी जर्मनी छिरेका थिए । उनीहरु हङ्गेरीबाट बस तथा रेल मार्ग हुँदै जर्मनी आइपुगेका उनले बताए ।

धेरै आप्रवासी हङ्गेरीबाट अस्ट्रिया हुँदै जर्मनीको म्युनिक पुगेका हुन् । प्रहरीले आइतबार मात्रै १० हजार भन्दा बढी शरणार्थी जर्मनी आइपुग्ने अनुमान गरेको छ ।