साउदी अरेबियाको मस्जिद बम आक्रमणमा १७ प्रहरी मारिए

रियाद, २१ साउन । साउदी अरेबियाको दक्षिणी भूभागमा अवस्थित एक मस्जिदमा भएको बम हमलामा परी कम्तीमा पनि १७ जना प्रहरीको ज्यान गएको छ ।

प्राप्त समाचारअनुसार सो मस्जिदमा इस्लामिक स्टेट, आईएसले सो हमला गरेको हो । उक्त हमलामा परी अरु पनि कयौँ नागरिक घाइते भएका छन् ।

घाइते नागरिकको सङ्ख्या अझै स्पष्ट हुन सकिरहेको छैन । बम शक्तिशाली रहेकोले घाइते नागरिकको सङ्ख्या पनि निकै धेरै हुनसक्ने आशङ्का गरिएको छ ।

उक्त हमलाको जिम्मेवारी आईएसले लिएको छ । आईएसले यस्तै हमला गत महिना पनि गरेको थियो । उसले अरबका सिया मुस्लिम समूहलाई लक्ष्य गरी सो हमला गरेको बताइएको छ ।

साउदी अरेबियाको गुप्तचर निकायले त्यहाँका मस्जिदहरुमा हुनसक्ने भनिएका आक्रमणका घटनाको बारेमा आवश्यक सूचना प्राप्त गरेको जानकारी दिएको थियो ।

प्रतिक्रिया

सम्बन्धित सामाग्री