मंगलबार, कार्तिक ११ २०७७ | Tue, October 27, 2020
नेपालको समय: ०६:३६ | UK Time: 00:51

एनआरएन युके अध्यक्षमा विश्वासदीप तिगेलाको उम्मेदवारी

वीनेपाली
२०७२ असार २३ गते १९:४१

Biswas Tigela

लण्डन । एनअारएन युकेको चुनावी सरगर्मी तात्दै जाँदा विश्व नेपाली साहित्य महासंघका अध्यक्ष तथा एनआरएन आइसिसीका सदस्य विश्वासदीप तिगेलाले अध्यक्ष पदमा उम्मेदवारी घोषणा गरेका छन् ।

एनअारएन युकेको स्थापनाकालदेखि नै सक्रिय तिगेलाले एनअारएन युकेको बेथितिलाई सहीरुपमा समाधान गर्नका लागि आफूले उम्मेदवारी घोषणा गरेको बताए ।

एनआरएन ब्रुनाइका संस्थापक अध्यक्ष समेत रहेका तिगेलाले बेलायतका सबै समुदाय र सबै राजनीतिक पार्टीहरुलाई मिलाएर प्यानलै घोषणा गर्ने तयारी गर्दै गरेको बुझिएको छ ।

‘युकेको एनआरएनको समस्या के हो भन्ने मलाई राम्रोसँग थाहा छ । यतिबेला युकेलाई एनआरएनको विधिविधान बुझेको नेतृत्व जरुरी छ’ तिगेलाले भने ।

‘एनआरएन अभियानमा युकेको भूमिका महत्वपूर्ण हुनुपर्नेमा केही वर्षयता गौण हुँदै गएको छ । एनआरएन युकेको शाख फर्काउनका लागि मैले उम्मेदवारी दिनुपरेको हो’ उनले थपे ।

नेपाल पत्रकार महासंघ युके, नेपाल अादिवासी जनजाति महासंघ युकेको स्थापनामा महत्वपूर्ण खेलेका तिगेला दर्जनौँ संस्थामा सक्रिय छन् । उनले आफू सम्वद्ध सबै संस्था विवादरहित तरिकाले चलाएको अनुभवका आधारमा आफू एनआरएन युकेका लागि उपयुक्त उम्मेदवार भएको उनले दाबा गरे ।

साहित्यकार, पत्रकार, राजनीतिकर्मी र समाजसेवी तिगेलाका पुस्तकहरु पनि प्रकाशित छन् ।

यसअघि नै मुच्छेत्र गुरुङ र हीराधन राईले अध्यक्षमा उम्मेदवारी घोषणा गरिसकेका छन् ।

प्रतिक्रिया

सम्बन्धित सामाग्री

फेसबुक