लण्डन । डार्टफोर्ट नेपाली समाज युकेले भुकम्प पीडित नेपालीको सहयोगका लागि करिब साढे ६ हजार पाउण्ड प्रधानमन्त्री राहत कोषमा जम्मा गरेको छ ।
समाजले आइतबार एक समारोहको आयोजना गरी बेलायतका लागि नेपाली कार्यबाहक राजदुत तेजबहादुर क्षेत्रीलाई सो रकम हस्तान्तरण गरेको हाे ।
समाजका अध्यक्ष चन्डिका भट्टको अध्यक्षता र महासचिव इन्जिनियर राजेश पाठकको संचालनमा भएको सो कार्यक्रममा भुकम्पमा ज्यान गुमाएकाहरु प्रति एक मिनेट मौनधारण पनि गरिएको थियो ।
कार्यक्रममा वक्ताहरुले कोषको सही सदुपयोगका बारेमा चिन्ता व्यक्त गरेका थिए ।
कार्यक्रममा क्षेत्रीले समाजलाई धन्यवाद दिँदै संकलित सहयोग वास्तविक पीडितहरु समक्ष पुग्ने वचन दिएका थिए ।
काउन्सिलर बच्चुकैलाश कैनी टम म्याडिसन र एलेन आनले पनि भुकम्पमा प्रभावितहरुप्रति सहानुभूति व्यक्त गरेका थिए ।
सहयोग जुटाउन सहयोग गर्ने व्यक्ति तथा संस्थाहरुलाई सो अवसरमा प्रमाणपत्र वितरण गरिएको थियो ।
समाजले व्यक्ति तथा संस्थासित सहयोग संकलन गरेको थियो यसैगरी च्यारिटी डिनर र दानपात्र थापेर पनि सहयोग उठाइएको थियो ।
समाजलाई डार्टफोर्ट बोरो काउन्सिलबाट १ हजार पाउण्ड शिख मन्दिर डार्टफोर्टबाट ९८० पाउण्ड र बप्टिस्ट चर्च हाइफिल्ड रोड डार्टफोर्टबाट ५०० पाउण्ड सहयोग दिइएको थियो ।
