एनआरएनएको नयाँ नेतृत्वका लागि डा. शर्मा, बज्राचार्य र शेरचनको उम्मेदवारी [सूची]

लन्डन । यही फागुन ३० गतेदेखि हुने गैरआवासीय नेपाली संघ (एनआरएनए)को १२ औं महाधिवेशनमा अध्यक्ष पदका लागि तीन जनाको उम्मेदवारी परेको छ।

यूकेबाट डा. हेमराज शर्मा, अमेरिकाबाट रविन बज्राचार्य र जापानबाट रविन शेरचनले बुधबार उम्मेदवारी दिनुभएको निर्वाचन समितिले जनाएको छ । छ उपाध्यक्ष पदका लागि १० जनाको उम्मेदवारी परेको छ। महिला उपाध्यक्षमा टिका (राधिका) गुरुङ निर्विरोध हुनुभएको छ।

महासचिव पदका लागि डा. चिरञ्जीवी खड्का र रामशरण सिम्खडाले उम्मेदवारी दिनुभएको छ । दुई उपमहासचिव पदका लागि चार जनाको उम्मेदवारी परेको छ भने छ सचिव पदका लागि आठ जनाले उम्मेदवारी दिएका छन्। महिला सचिवमा कञ्चन थापा निर्विरोध हुनुभएको छ ।

कोषाध्यक्ष पदका लागि कृष्णप्रसाद तिमल्सिना र तिलकप्रसाद गैरेले उम्मेदवारी दिनुभएको छ । तीन सहकोषाध्यक्ष पदका लागि भने दुई जनाको मात्र उम्मेदवारी परेको छ। महिला सहकोषाध्यक्षमा गंगा खतिवडा निर्विरोध हुनुभएको छ ।

महिला संयोजक पदका लागि प्रसुना कँडेल र रश्मी थापाले उम्मेदवारी दिनु भएको छ । युवा संयोजकमा नवीन न्यौरे र दीपेश खत्रीको उम्मेदवारी परेको छ।

क्षेत्रीय संयोजकतर्फ अफ्रिका क्षेत्रबाट मनोज बिक र भुवन खरेल निर्विरोध हुनुभएको छ । एसिया क्षेत्रको एक संयोजक पदका लागि तीन जनाको उम्मेदवारी परेको छ भने युरोप संयोजकमा रोबर्ट लिम्बु निर्विरोध हुनुभएको छ । मध्यपूर्व संयोजक पदमा दुई जनाको उम्मेदवारी परेको छ।

ओशियाना क्षेत्र संयोजकमा रमेश जोशी निर्विरोध हुनुभएको छ । दोस्रो पुस्ता संयोजकमा दीपमाला ढकाल निर्विरोध हुनुभएको छ ।