भूकम्प पीडितका लागि लन्डनमा अर्को च्यारिटी कन्सर्ट हुंदै

11234826_10153471003129282_4331160116771673333_o

लन्डन । नेपालको भूकम्प पीडितका लागि यूकेस्थित युवाहरुले च्यारिटी 
कन्सर्ट गर्ने भएका छन् ।

आगामी ३१ जुलाई सांझ लन्डन साउथ ह्यारोस्थित ह्यारो बरो फुटबल क्लवमा कार्यक्रम तय भएको शनिवार आयोजित एक पत्रकार सम्मेलनमा जनाइएको हो ।

आयोजकले उक्त कन्सर्ट अलिक भिन्न हुने बताएका छन् । रेड कार्पेट नेपालको ब्यानरमा हुने कन्सर्टमा बेलायतस्थित ५ नेपाली व्याण्डहरु ओम, क्यूबीक्स्, हामी, एगर र इंगलिस वेदरले गीत संगीत प्रस्तुत गर्ने कार्यक्रम छ ।

ति व्याण्ड प्रत्येकले आधा घण्टा देखि ५० मिनेटसम्म निरन्तर गीत संगीत पस्कने जनाइएको छ । रक, मेटल र हार्ड रक खालका गीत संगीत रहने उक्त कन्सर्टमा यी गीत बाहेक रुचाउने दर्शकले डिजेबाट पनि मनोरन्जन लिन सक्नेछन् । ७ देखि १० बजेसम्म कन्सर्ट र त्यसपछि राती १२ बजेसम्म डिजेहरु अमित र ओनिलले डिजे प्रस्तुत गर्ने जनाइएको छ ।

दश पाउण्ड टिकट तोकिएको उक्त कन्सर्टमा राफल चिट्ठा र प्रायोजकबाट समेत आर्थिक संकलन गरिने आयोजकले जनाएका छन् । संकलित रकम गैर आवासीय नेपाली संघमार्फत नेपालमा भूकम्पले क्षति पुर्याएका विद्यालयको पुनर्निमाणमा सघाउने ति युवाको लक्ष्य छ । आयोजकले संकलित रकम पारदर्शी हुने र सम्वन्धित ठाउंमा पठाइसकेपछि पनि आफूहरुले सदुपयोग भए नभएको निगरानी गर्ने जनाएका छन् ।

पत्रकार सम्मेलनमा हामी व्याण्डका सन्तोष भण्डारी, इंगलिस वेदरका टोनी, ओम व्याण्डका जिमी, डिजेहरु अमित, ओनिल लगायतले सञ्चारकर्मीको जिज्ञासा मेटाएका थिए । एभरेष्ट लाउन्ज, हनी पटमा आयोजित पत्रकार सम्मेलनमा रेष्टुरेन्ट सञ्चालक मिलन भट्टराईले दिवा भोज र हल निशुल्क प्रवन्ध गरिदिएका थिए ।

11698758_10153471002579282_3210710974061862939_o

 

तस्विर सौजन्यः नरेन्द्र बस्नेत (मेरो यूके डटकम)

प्रतिक्रिया

सम्बन्धित सामाग्री