लन्डन । नेपाल आदिवासी जनजाति महिला महासंघ, बेलायतले १५ असारका दिन कृषिमन्त्री हरिप्रसाद पराजुलीले सार्वजनिक स्थानमा महिलाहरुमाथि दुरव्यवहार गरेको भन्दै उनलाई बर्खास्त गर्न माग गरेको छ । महासंघले मन्त्री पराजुलीलाई सार्वजनिक माफी माग्न समेत भनेको छ ।
महासंघकी अध्यक्ष कमला थापाले मंगलबार एक विज्ञप्ति जारी गर्दै मन्त्री जस्तो सम्मानित व्यक्तिले सार्वजनिक स्थानमा महिलाहरुको आत्म सम्मानमा ठेस पुग्ने गरि तुच्छ र निन्दनीय कार्य गरेको भन्दै घोर विरोध र भर्त्सना गरेकी छिन् ।
कृषि विभागले धान दिवसको अबसरमा काठमाडौंको मुलपानीमा आयोजना गरेको कार्यक्रममा मन्त्री पराजुलीले अश्लिल हर्कत देखाएका थिए । (हेर्नुस तस्विर)
