बिहीबार, कार्तिक ६ २०७७ | Thu, October 22, 2020
नेपालको समय: ०६:०४ | UK Time: 01:19

चाल्टर्न समाजको बीबीक्यू कार्यक्रम भूकम्प पीडितका लागि

वीनेपाली
२०७२ असार ६ गते १५:०९

1511294_10155688292545494_2636153121475916069_n

लन्डन । साउथ इस्ट लन्डनस्थित चाल्टर्न नेपाली समाजले आगामी ५ जुलाईमा गर्न लागेको वार्षिक समर बीबीक्यू कार्यक्रम भूकम्प पीडितको सहयोगमा समर्पित हुने भएको छ ।

देशमा भूकम्पले पुर्याएको अकल्पनीय क्षति र पीडाबीच भूकम्प पीडितहरुकै लागी सहयोग जुटाउन यस वर्षको कार्यक्रम समर्पित गरिने 
जानकारी समाजका सचिव टि एन रिजालले दिएका छन् । यस अघि चाल्टर्न नेपाली समाजले नेपालमा तत्कालिन राहत स्वरुप ६ लाख रुपैयां बराबरको 
राहत सामग्री देशका विभिन्न भागमा वितरण गरिसकेको छ । अबको कार्यक्रमबाट हुने सहयोग पुनस्थापनाको रुपमा पुग्ने जनाइएको छ ।

चाल्टर्न मेरिडियन स्पोर्ट्स क्लवको खुला ग्राउण्ड्मा आयोजना गर्न लागिएको कार्यक्रममा बीबीक्यू खानासहित सांस्कृतिक कार्यक्रम, डिजे, भलिवल प्रतियोगिता लगायत मनोरन्जनात्मक कार्यक्रम समावेश हुनेछ । सबै सुविधाका लागि जनही दश पाउण्ड र पांच देखि ११ वर्षसम्मका बच्चाका लागि ५ पाउण्डमात्र तोकिएको जानकारी उपाध्यक्ष टंक कंडेलले दिए । अबको दुई साता पछि हुन लागेको उक्त ओपन गेट टुगेदर प्रोग्राममा सहभागी भएर पीडितको राहतमा सघाउन समाजले सबैमा आवहान गरेको छ । यस पटक शुपथ मुल्यमा क्यटरिङ्गको जिम्मेवारी संस्थापक अध्यक्ष सुरज केसीले लिएका छन् ।

सप्ताहन्त चाल्टर्न हाउसमा अध्यक्ष रोमनाथ पाण्डेको अध्यक्षतामा बसेको कार्यसमिति तथा सल्लाहकारहरुको बैठकले कार्यक्रम आयोजनाको विविध पक्षबारे छलफल गर्दै उक्त निर्णय गरेको हो । बैठकले भूकम्प राहतको वितरणमा तत्कालिन अवस्थामा नेपालमा समाजको तर्फबाट भूमिका निभाउने सबैलाई धन्यवाद ज्ञापन गरेको छ । बैठकमै सम्बन्धितहरुबाट नेपालमा राहत वितरण पछिको रिपोर्ट समेत प्रस्तुत गरिएको थियो ।

प्रतिक्रिया

सम्बन्धित सामाग्री

फेसबुक