लण्डन । युके नेपलिज ब्याडमिण्टन एसोसिएसनको आयोजनामा पाँचौँ ब्याडमिण्टन प्रतियोगिता हालै सम्पन्न भएको छ ।
मेडिस्टोन, केन्टस्थित न्युलाइन लर्निंग एकेडेमी स्कुलको परिसरमा भएको सो प्रतियोगितामा ७० नेपाली खेलाडीहरु सहभागी भएको एसोसिएसनले जनाएको छ । छ वटा विभिन्न विधामा खेलाइएको सो प्रतियोगितामा लेडिज डबल्सतर्फ श्रीमती सकुन नेम्वांग र श्रीमती नीशा गुरुंगको जोडी पहिलो भएको थियो भने श्रीमती दुर्गा चोंगवांग र श्रीमती कमला खापुंगको जोडी रनर अप भएको थियो । त्यस्तै मेन्स डबल्सतर्फ जोसेफ हुक्पा चोंगवांग र प्रकाश राईको जोडी पहिलो र रिटायर्ड मेजर प्रेम आले र उनका छोरा सुदिप आलेको जोडी रनर अप भएको थियो ।
भेटेरान डबल्सतर्फ खेम हुक्पा चोंगवांग र विष्णु राईको जोडी पहिलो र रेगन राई र प्रदीप कार्कीको जोडी रनर अप भएको थियो । त्यस्तै मिक्स डबल्सतर्फ जोसेफ हुक्पा चोंगवांग र श्रीमती सकुन नेम्वांगको जोडी पहिलो र प्रकाश राई र श्रीमती निशा गुरुंगको जोडी रनर अप भएको थियो । भेटेरान सिंगलतर्फ खेम हुक्पा चोंगवांग पहिलो र रेगन राई रनर अप भएका थिए । यसैगरी मेन्स सिंगलतर्फ नगेन्द्र खापुंग पहिलो र सुदीप आले रनर अप भए ।
प्रतियोगितामा नगेन्द्र खापुंग वेष्ट प्लेयर घोषित भए ।
प्रतियोगिताका विजयी, उपविजेता खेलाडी र रेफ्रीहरुलाई एसोसिएसनका अध्यक्ष मेजर रिटायर्ड प्रेम आले र पूर्व अध्यक्ष कृष्ण घोताने गुरुंगले पुरस्कार र प्रमाणपत्र वितरण गरेका थिए ।
