भूकम्प पीडितलाई गिल्फोर्ड अस्पताल कर्मचारीको १५ लाख सहयोग

11651138_10153440618621197_1157296589_n

लन्डन । रोयल सरे काउन्टी हस्पिटल गिल्फोर्डमा कर्मचारीहरुले भूकम्प पीडितहरुका लागि ९ हजार ८६० पाउण्ड १३ पेन्स् (करिब १५ लाख ७८ हजार रुपैयां) सहयोग गरेका छन् ।

संकलित रकमको चेक मंगलबार अस्पतालका निर्देशक क्रिस मिन्टर, हेड अफ फ्यासेलिटी ड्यारेन बुली, हाउस किपिंग म्यानेजर मारिया राना र फण्ड रेजिंग म्यानेजर शेरा लगायतले नेपाल ब्रिटेन अर्थक्वेक रिलिफ फण्डका आर्थिक संयोजक सूर्य गुरुङलाई हस्तान्तरण गरेका हुन् ।

चन्दा संकलनमा नेपाली कर्मचारीहरु नारायण गुरुङ, यज्ञ क्षेत्री, ज्ञानराज गुरुङ लगायत अन्य नेपालीहरु सक्रिय थिए । उनीहरुले केक विक्री, हस्पिटलमै करि डे आयोजना गरि रकम संकलन गरेका हुन् । उक्त सहयोग लन्डनस्थित नेपाली दूतावासमार्फत प्रधानमन्त्री राहत कोषमा पठाइनेछ ।

चेक ग्रहणपछि समाजसेवी सूर्य गुरुङले चन्दादाताहरुप्रति आभार व्यक्त 
गर्दै शक्तिशाली भूकम्पले पारेको धनजनको क्षतिबारे अवगत गराएका थिए । उनले अब मानिसहरु सामान्य जीवनतर्फ फर्किएको उल्लेख गर्दै नेपालको पुनर्निर्माणमा धेरै रकम आवश्यक भएका बेला अस्पताल कर्मचारीहरुको यो प्रयासले ठूलो अर्थ राख्ने बताए ।

11657315_10153440618606197_2100137431_n

11694360_10153440633361197_141136367_n

प्रतिक्रिया

सम्बन्धित सामाग्री