शुक्रबार, मंसिर १२ २०७७ | Fri, November 27, 2020
नेपालको समय: १४:४७ | UK Time: 09:02

जनजाति पत्रकार महासंघ युकेले युके र नेपालमा पत्रकारिता पुरस्कार दिने

वीनेपाली
२०७२ असार १५ गते १२:२८

fonij logo

लण्डन । नेपाल आदिवासी जनजाति पत्रकार महासंघ युकेले बेलायत र नेपालमा पत्रकारिता पुरस्कारको स्थापना गर्ने भएको छ ।

महास‌ंघको शनिबार अल्डरसटमा सम्पन्न साधारण सभाले वरिष्ठ पत्रकारहरुलाई सम्मान र नवपत्रकारहरुलाई प्रोत्साहन गर्न सो पुरस्कार खडा गरेको महासंघका उपाध्यक्ष विश्वासदीप तिगेलाले जानकारी दिए ।

तिगेलाका अनुसार युकेमा पाका पत्रकारलाई वर्षेनी सम्मान र नवपत्रकारलाई पुरस्कार दिइने छ । पुरस्कारको राशी र कार्यविधिका बारेमा कार्यसमितिले थप प्रष्ट पार्ने बताइएको छ ।

उता नेपालमा भने अग्रज आदिवासी जनजाति पत्रकारलाई हरेक वर्ष आदिवासी जनजाति पत्रकार सम्मान र नवप्रतिभालाई आदिवासी जनजाति पत्रकारिता पुरस्कार दिइने छ । पुरस्कारको राशी १५ हजार रुपियाँ रहेको छ । सो राशी रेडियो बिजीडब्ल्युएसका प्रबन्ध निर्देशक मेजर रिटायर्ड सोनाम छिरिङ शेर्पाले प्रायोजन गर्ने भएका छन् ।

साधारणसभाले हरेक वर्ष विश्व आदिवासी दिवस र आदिवासी जनजाति पत्रकार महासंघको स्थापना दिवसका दिन कार्यक्रम गर्ने निर्णय गरेको छ । त्यस्तै हरेक जातिमा पत्रकार संघ खोल्ने पनि भएको छ ।

महासंघका अध्यक्ष किरण थेबे लिम्बुको अध्यक्षतामा भएको सो कार्यक्रममा सचिव प्रमिला राईले सांगठानिक प्रतिवेदन र कोषाध्यक्ष विधाता राईले आर्थिक प्रतिवेदन पेश गरेकी थिइन् ।

प्रतिक्रिया

सम्बन्धित सामाग्री

फेसबुक