बिहीबार, असोज ८ २०७७ | Thu, September 24, 2020
नेपालको समय: ०६:५५ | UK Time: 02:10

गोर्खा आन्दोलन स्थगित

वीनेपाली
२०७२ वैशाख २३ गते ११:५०
Gurkha protest

हालै भूपू गोर्खाहरुले गरेको एउटा प्रदर्शन

लन्डन । गोर्खा सत्याग्रह संयुक्त संघर्ष समिति बेलायत, नेपालले आफ्नो समानताको आन्दोलन केही समय स्थगित गर्ने निर्णय गरेको छ ।

नेपालको विनाशकारी महाभूकम्प र बेलायतमा भोलि बिहीबार आम निर्वाचन आइरहंदाको परिस्थिति मध्यनजर गर्दै समितिले आगामी जुन २६ तारिखसम्म कुनै पनि कार्यक्रम नगर्ने सर्वसम्मत निर्णय गरेको हो । नवगठित सरकारलाई नौलो परिस्थितिमा नौला राष्ट्रिय तथा अन्तर्राष्ट्रिय समस्या सम्बोधन गर्न केही नयां नीति तथा कार्यक्रमहरु बनाउन, त्यसमा निर्णय लिन र सरकारले सामान्य रुपमा कार्य सम्पादन गर्न केही समय लाग्नु स्वभाविक भएको ठहर गर्दै समिति आन्दोलन निस्तेज गर्ने निष्कर्षमा पुगेको संयोजक कृष्णबहादुर राईले जनाए । त्यस पछि भने पूर्ण समानता प्राप्त नभएसम्म गोर्खा सत्याग्रहले आफ्नो आन्दोलन जारी राख्ने प्रतिवद्धता समेत व्यक्त गरेको छ ।

यस सम्वन्धि निर्णय गर्न समितिका संयोजक राईको अध्यक्षतामा गत ३ मे २०१५ का दिन नर्थओल्ट, लन्डनमा केन्द्रीय समितिको बैठक बसेको थियो । बैठकले भूकम्पबाट भएको धनजनको क्षतिप्रति दुःख समेत व्यक्त गरेको छ । बैठकले नेपालमा भूकम्प पीडितलाई के कति सहयोग गर्ने भन्ने चाहिं निर्णय लिएन  ।

प्रतिक्रिया

सम्बन्धित सामाग्री

फेसबुक