मंगलबार, कार्तिक ४ २०७७ | Tue, October 20, 2020
नेपालको समय: ०२:४० | UK Time: 21:55

कपिलवस्तु समाज यूकेको राहत पीडितसमक्ष

वीनेपाली
२०७२ वैशाख १९ गते ०:५१

nepal_news1430424180-kapilbastu_samaj
लन्डन । कपिलवस्तु समाज यूकेले पहिलो चरणमा संकलन गरेको राहत सामाग्री भूकम्प पीडितलाई वितरण गरिएको छ । मंगलबार बेलायतबाट उद्दार तथा राहतका लागि नेपाल गएका गोर्खा सैनिकहरुसंगै पठाइएका ती सामग्री भूकम्पबाट सबैभन्दा बढि प्रभावित सिन्धुपाल्चोकमा बांडिएको हो । उद्दार कार्यमा सघाउन सिन्धुपाल्चोक पुगेका गोर्खाहरुले नै ती राहत सामग्री पीडितसम्म पुर्याइदिएका हुन् । समाजले औषधि, ड्राई फुड, त्रिपाल, पाउडर मिल्क, लत्ताकपडा लगायत झण्डै दुई हजार केजी तौलका अत्यावश्यक सामाग्री पठाएको थियो ।

‘राहत सामाग्री गोर्खाहरुको साथ पठाइएका कारण छिट्टै र सिधै पीडितसम्म पुर्याउन सकियो,’ समाजका अध्यक्ष दिपक श्रेष्ठले भने, ‘हामीले पठाएका अत्यावश्यक सामाग्री पीडितसम्म पुगेको सुन्दा हामीलाई खुशी लागेको छ ।’

उनका अनुसार, समाजले राहत संकलन अभियान जारी राखेको छ भने सहयोग आउने क्रम रोकिएको छैन् । पीडितका लागि आर्थिक संकलन समेत गरिरहेको समाजले बिहिबार सांझसम्म ४ हजार ८ सय १५ पाउण्ड, ३ पेन्स् जम्मा गरेको अध्यक्ष श्रेष्ठले जानकारी दिए । राहत संकलन तथा वितरण कार्यमा मुछेत्र गुरुङ, गणेश गुरुङ, गोपाल रेग्मी, सुशिल प्रजापति लगायतले समाजलाई सघाएका थिए ।

शनिबारको भूकम्पछि तत्काल राहत संकलन सुरु गरेको समाजलाई साउथ इष्ट लण्डनको एवीउडस्थित बेस्ट प्राइस क्यास् एण्ड क्यारीले राहत सामाग्री संकलन गर्न स्टोर उपलब्ध गराएको छ । सो स्टोरका सञ्चालकहरु सफल शेरचन र दिपक शेरचनले सामाग्री संकलनका लागि भ्यानको समेत बन्दोबस्त मिलाइदिएका छन् । ठूलो परिमाणमा संकलित सामाग्रीहरुको प्याकिङ कार्यमा स्थानीय थकाली समाज , भैरवनाथ गुठी, पासा पुच, तमु धिं, ठकुरी समाज लगायतले पनि स्वस्फूर्त सहयोग गरेका थिए ।

प्रतिक्रिया

सम्बन्धित सामाग्री

फेसबुक