बुधबार, मंसिर १० २०७७ | Wed, November 25, 2020
नेपालको समय: १३:३७ | UK Time: 07:52

तमुधिं साउथ इष्टले शान्ति पदयात्रा गर्ने

वीनेपाली
२०७२ वैशाख १७ गते १६:०८

FullSizeRender

लन्डन । तमुधिं साउथ इष्ट शाखाले आगामी ४ मे का दिन वृहत विश्व शान्ति 
र्याली गर्ने भएको छ ।

लन्डन उलवीचस्थित लोटस् क्लबबाट र्याली शुरु र पछि सोहि स्थानमा बुद्ध जयन्ती समारोह गरिने शाखाले जनाएको छ । कार्यक्रम संयोजक सुमलकुमार गुरुङले त्यसै दिन शान्तिका अग्रदूत भगवान बुद्ध नेपालमा जन्मेका हुन् भन्ने सन्देशका साथ महाभूकम्पबाट पीडित नेपालीहरुका लागि राहत संकलन गरिने जनाए ।

उक्त पदयात्राका लागि ५ मिलियन पाउण्डको इन्सुरेन्स भइसकेको छ भने टिएफएल र प्रहरीलाई खवर गरिसकिएको छ । आयोजकले करिव डेढ घण्टा अवधिको पदयात्रा उलवीच वरिपरि तीन किलोमिटरसम्म जाने जनाएका छन् ।
र्यालीमा एकहजार सहभागी हुने अपेक्षा छ ।

यसअघि शाखा अध्यक्ष चन्द्र गुरुङको अध्यक्षतामा ग्रीनविच बरोस्थित साफा प्रतिनिधि समेतको संयुक्त बैठक बसेको थियो । सहसचिव निर्मला गुरुङले सञ्चालन गरेको बैठक शुरु हुनु अघि महाभूकम्पबाट दिवंगतहरुको आत्मा शान्तिका लागि दुई मिनट मौन धारण गरि प्रार्थना गरिएको थियो । बैठक महाभूकम्पबाट पीडितहरुलाई 
कसरी सहयोग पुर्याउने भन्नेमा केन्द्रित थियो ।

बैठकमा साफाका वरिष्ठ संयोजक जेरी आर्मस्ट्रोङ तथा कार्यकर्ता ज्ञान तमाङ समेत सहभागी थिए । बैठकले वृहत छलफलपछि राहतका लागि रकम तथा जिन्सी संकलन गरेर सोझै महाभूकम्प प्रभावित क्षेत्रमा पुर्याउने निर्णय गरेको छ । पारदर्शीता र कुन क्षेत्रका पीडितहरुलाई राहत दिने भन्ने विषयमा समाजका उपाध्यक्ष हिराप्रसाद गुरुङ तथा सल्लाहकार सुमलकुमार गुरुङले स्थानीय निकायमा सम्पर्क गरेर सूचना प्राप्त गरेपछि राहत प्रदान गर्ने निर्णय गरिएको छ ।

प्रतिक्रिया

सम्बन्धित सामाग्री

फेसबुक