प्राध्यापक सुवेदीद्धारा भूकम्प पीडितलाई ५ लाख सहयोग

लन्डन । अन्तर्राष्टिय कानुनका ज्ञाता एवं प्राध्यापक डा. सूर्य सुवेदीले नेपालमा गएको विनाशकारी भूकम्प पीडितका लागि ५ लाख रुपैयां सहयोग गरेका छन् । प्रा. सुवदीले गैर आवासीय नेपाली संघ, बेलायत (एनआरएनए, यूके) ले आइतबार आयोजना गरेको पिएचडी होल्डरहरुको भेलामा उक्त सहयोगको घोषणा गरेका हुन् ।

सुवेदी एनआरएनए, यूकेका प्रमुख संरक्षक हुन् । उनले मातृभूमिमा यस्तो विपत्ति पर्दा प्रवासमा बस्ने नेपालीले समेत सहयोगका हात फैलाउनु प्रमुख दायित्व हुने बताए ।

बेलायतबाट नेपाली दूतावास, हेल्प नेपाल नेटवर्क, एनआरएनए, यूके लगायत 
सयौं सामाजिक संघसंस्था र व्यक्तिबाट राहत सामाग्री तथा आर्थिक सहयोग 
संकलनले तीव्रता पाएको छ । एनआरएनए, यूकेले एक करोड रुपैयांभन्दा बढि 
रकम संकलन गरिसकेको छ । पीडितका लागि नेपाली समाजमा कहिल्यै प्रचारप्रसार नखोज्ने एकजना सफल नेपाली व्यवसायी उत्तम नेपाल एक्लैले ५१ लाख रुपैयां दिने अठोट गरेका छन् ।
चन्दा संकलनले तीव्रता पाइरहंदा व्यक्तिगत रुपमा उठाइने रकम पारदर्शी ढंगले पीडित समक्ष पुग्छ पुग्दैन भन्नेमा सर्वत्र चिन्ता छ ।