मंगलबार, कार्तिक ४ २०७७ | Tue, October 20, 2020
नेपालको समय: ०३:२६ | UK Time: 22:41

उद्दारका लागि गायक श्रेष्ठ आज नेपाल उड्ने

वीनेपाली
२०७२ वैशाख १४ गते १६:०९

1460015_10151885652683789_883330920_n

लन्डन । नेपालमा भूकम्प पीडितहरुको उद्दारका लागि लन्डनवासी गायक विवेक श्रेष्ठ आज सांझ नेपाल उड्ने भएका छन् । भूकम्पले समस्त देश र जनता रोइरहेका बेला पीडितहरुको घाउमा मल्हम लगाउन उनी नेपाल जान लागेका हुन् । ‘मातृभूमि रोइरहंदा मेरो मन पनि थाम्नै सकेन’, श्रेष्ठले वीनेपालीसंग भने, ‘गएर आफूले सकेको मानवीय सहायता गर्छु ।’

बेलायतमा दर्ता भएको एउटा च्यारिटी संस्था स्किल्स् एण्ड केयरका निर्देशक श्रेष्ठले त्यही च्यारिटीको प्रतिनिधित्व गर्नेछन् । श्रेष्ठले उद्दार तथा सहायता काठमाण्डौं केन्द्रित भएको गुनासो गर्दै आफ्नो टोली सकेसम्म जिल्लामा जाने बताए । उनले बेलायतबाट पठाइएका राहत सामाग्री वितरणको संयोजन समेत गर्नेछन् । श्रेष्ठलाई नेपालमा ९८१३५८३५५० मा सम्पर्क गर्न सकिनेछ ।

स्किल्स् एण्ड केयरले बेलायतमा राहत सामाग्री र आर्थिक सहयोग समेत संकलन गरिरहेको छ । उक्त च्यारिटीका अर्का निर्देशक फत्त थापाले यहांबाट त्यसको संयोजन गरिरहेका छन् । श्रेष्ठले संकलित लत्ता कपडा स्टोर गर्नका लागि स्थानीय काउन्सिलले महिना दिनसम्म टाउन हल निःशुल्क उपलव्ध गराएको समेत जनाए ।

श्रेष्ठका साथमा नेपाली नर्सहरुको टोली समेत रहनेछ । नेपलिज नर्सेस् एसोसिएसन यूकेले उपाध्यक्ष प्रसुना कंडेलको नेतृत्वमा नर्सहरु राधिका आचार्य, ज्योति तिवारी र वर्षा बेल्वासेलाई नेपाल पठाउने निर्णय गरेको थियो । नेपाली चिकित्सकहरुको टोली समेत छिट्टै नेपाल जाने अपेक्षा छ ।

प्रतिक्रिया

सम्बन्धित सामाग्री

फेसबुक