गोरखाहरुको प्रदर्शनमा सहभागी हुन एनआरएन युकेको अपील

लण्डन । गैर आवासीय नेपाली संघ (एनआरएनए) युकेले गोरखा भूतपूर्व सैनिकहरुले समानताको माग गर्दै आयोजना गरेको प्रदर्शनमा सहभागी हुन अपील गरेको छ ।
संघका महासचिव राजकुमार त्रिपाठीले एक अपील प्रकाशन गरी गोरखा सत्याग्रह संयुक्त संघर्ष समिति युकेले यही अपि्रल ३० तारिखमा लण्डनमा आयोजना गरेको प्रदर्शनमा सामेल हुन युकेका विभिन्न संघ संस्था तथा सर्वसाधारणलाई  आग्रह गरेका हुन् ।
लण्डनको केन्द्र भागमा रहेको गोरखा सैनिकको शालिक परिसरमा सो प्रदर्शन हुने बताइएको छ ।
अपीलमा गोरखाहरुको समानताको अभियानमा ऐक्यवद्धता प्रकट गर्न र बेलायत सरकारलाई अविलम्व समस्या समाधानका लागि दबाब दिन प्रदर्शनमा सामेल हुनु पर्ने बताइएको छ ।
एनआरएनए युकेले नेपाल सरकारलाई गोरखाहरुको समस्यालाई गम्भीरतापूर्वक दिई कुटनीतिक माध्यमबाट समस्या समाधानका लागि पहल गर्न र सबै गोरखा संगठनहरुलाई आपसी समन्वय गरी कानुनी बाटो अगाडि बढाउन पनि अनुरोध गरेको छ ।
प्रदर्शनमा संघ संस्थाहरुलाई झण्डा ब्यानर प्लेकार्डसहित आउन पनि भनिएको छ ।