शुक्रबार, असोज २ २०७७ | Fri, September 18, 2020
नेपालको समय: १८:५८ | UK Time: 14:13

बुढासुब्बा गोल्ड कप मंगोलियन भाञ्जा र एफसी केन्टलाई

वीनेपाली
२०७२ वैशाख ७ गते २०:५४

11027460_10203919737020932_6371873617187676590_n

लन्डन । १८ अप्रिल शनिवार लन्डनमा आयोजित ५ औं बुढा सुब्बा गोल्ड कप नन भेट्रानतर्फ मंगोलियन भान्जाले जितेको छ । फाइनल खेलमा एफसी युनाइटेडलाई ३ २ गोल अन्तरले पराजित गरि यस वर्षको बुढासुब्बा गोल्ड कप मंगोलियन भान्जाले जितेको हो ।

भेट्रानतर्फ एफसी केन्टले २ १ गोल अन्तरले केवाइसी यूकेलाई पराजित गर्दै कप हात पार्न सफल भएको छ । जितसंगै विजेता मंगोलियन भान्जाले ट्रफी र ८ सय पाउण्ड नगद प्राप्त गर्यो भने रनरअप एफसी युनाइटेडले ५ सय पाउण्ड र ट्रफी पाएको छ । भेट्रान विजेता एफसी केन्टले ट्रफी, ५ सय पाउण्ड र रनरअप केवाइसी यूकेले ३ सय पाउण्ड पायो ।

धरान समाज यूकेले फेल्थाम कम्युनिटी कलेज मैदानमा आयोजना गरेको उक्त प्रतियोगितामा नन भेट्रानतर्फ १२ र भेट्रानतर्फ ६ टिम सहभागी थिए । नन भेट्रानतर्फ म्यान अफ दिन म्याच एफसी युनाइटेडका सुरज लिम्बु भए भने हाइ स्कोरर उपाधि मंगोलियन भान्जाका हिसिस लामाले जिते । भेट्रानतर्फ म्यान अफ दिन म्याच एफसी केन्ट टिम आवद्ध पदम लिम्बु र हाइ स्कोरर उपाधि छविन्द्र लिम्बुले पाए । भेट्रानतर्फ म्यान अफ दि म्याच विजेतालाई प्रदान गरिएको ट्रफी पारस रानाले प्रायोजन गरेका हुन् भने मेन ट्रफी अनिल कोयु राई र सन्तोष राईले प्रायोजन गरेका थिए ।

विजेतालाई प्रमुख अतिथी ज्येष्ठ समाजसेवी नरकुमारी लिम्बु, विशेष अतिथी नेपाल ब्याडमिन्टन संघका केन्द्रिय सदस्य चन्द्रशेखर लामा र आयोजक धरान समाज यूकेका अध्यक्ष उमेशराज मोक्तानले पुरस्कार प्रदान गरेका थिए ।

सूर्यमान गुरुंगले संयोजन गरेको उक्त प्रतियोगिता हेर्न अतिथीका रुपमा राजेन लिम्बु, लोकजित गुरुंग, अशोक राईसहित सयौं दर्शक सहभागी रहेको समाजले जनाएको छ ।

बिहान साढे १० बजेबाट शुरु खेल अबेरसम्म चलेपछि स्पटलाइटमै खेलाउनु परेको थियो । प्रतियोगितामा रेफ्रीहरु थिए ओम रिकी लामा, भक्त लिम्बु, केशर पाण्डे र पारस राना ।

आयोजक धरान समाज यूकेका अध्यक्ष उमेशराज मोक्तानले नेपालमा लोकप्रिय बुढा सुब्बा गोल्डकपलाई बेलायतमा समेत निरन्तरता दिइएको उल्लेख गर्दै आपसी भाइचारा अभिवृद्धि र खेलाडीहरुको प्रतिभा उजागर गर्ने उद्देश्य प्रतियोगिताको रहेको जनाए ।

स्मरणरहोस्, समर सिजन शुरु भएसंगै बेलायतमा फुटबल प्रतियोगिता गर्ने लहर नै शुरु हुन्छ । कतिपय संघसंस्थाले केवल व्यापारिक उद्देश्यले मात्र यस्ता प्रतियोगिता आयोजना गर्ने गरेका आरोप पनि छ ।

 

प्रतिक्रिया

सम्बन्धित सामाग्री

फेसबुक