मंगलबार, मंसिर ९ २०७७ | Tue, November 24, 2020
नेपालको समय: १५:३३ | UK Time: 09:48

लण्डनको पशुपति मन्दिरको साधारणसभा अगष्टमा

वीनेपाली
२०७१ चैत ९ गते २१:१९

nepal_newspashupati

लण्डन । नेपाली समुदायद्वारा लण्डनमा स्थापित युरोपकै पहिलो मानिएको प्लम्स्टिडस्थित पशुपतिनाथ मन्दिरले आगामी अगस्ट ९ मा प्रथम साधारण सभा गर्ने भएको छ ।

गत आइतवार मन्दिर परिसरमा बसेको मन्दिर संचालकको रुपमा रहेको ट्रष्टी बैठकले उक्त निर्णय गरेको हो ।

बैठकले साधारण सभा सफल पार्न ट्रष्टी दाशु पाण्डेको संयोजकत्वमा ट्रष्टीद्वय यादव भण्डारी र फत्त थापा सम्मिलित तीन सदस्यीय व्यवस्थापन समिति समेत गठन गरेको छ ।

गत फेब्रुवरीमा गर्ने भनिएको साधारण सभा मन्दिरमा भइरहेको मर्मत सम्भार लागायत कार्यले गर्दा पछाडि सार्नु परेको मन्दिर समितिद्वारा जारी विज्ञप्तिमा उल्लेख छ ।

मन्दिरले आगामी १७ देखि १९ जुलाईसम्म तीन दिने विशेष महायज्ञ पूजा संचालन समेत गर्ने भएको छ । मन्दिर संचालनको सहयोगार्थ आयोजना गर्न लागिएको उक्त महायज्ञ सम्पन्न गर्न पण्डित निलहरि घिमिरे तथा मन्दिर समितिका अध्यक्ष होम शर्माको संयोजकत्वमा पूजा व्यवस्थापन समिति गठन गरिएको छ । समितिका सदस्यहरुमा रोमनाथ पाण्डे, दुर्गा पाण्डे, विनोद ज्ञवाली, नगेन्द्र श्रेष्ठ, सरिता पौडेल, तुलसा शर्मा, तारा भट्टराई, सबिता गिरी र शुशिला भण्डारी छन् ।
त्यस्तै बैठकले मन्दिरको प्रस्तावित विधान ड्राफ्ट गर्ने जिम्मा ट्रष्टी कर्ण शाहीलाई दिएको छ । साथै मन्दिरको आय व्ययको लेखा परीक्षण गराउनको लागि ट्रष्टी सहदेव गिरीको संयोजनमा ट्रष्टीद्वय पशुपति भण्डारी र सुरज केसीलाई जिम्मा दिने निर्णय पनि गरिएको छ । बैठकमा अध्यक्ष्य होम शर्माले हालसालै सम्पन्न गरिएको मन्दिर मर्मत सम्भार कार्यको विवरण प्रस्तुत गरेका थिए ।

प्रतिक्रिया

सम्बन्धित सामाग्री

फेसबुक