आइतबार, मंसिर १४ २०७७ | Sun, November 29, 2020
नेपालको समय: ०४:२५ | UK Time: 22:40

गोरखा सेवाको २०० वर्षको अवसरमा २०० माइल साइकल यात्रा

वीनेपाली
२०७१ फागुन २७ गते ११:०५
Gurkha cycle

तस्वीर : नर्देन इको

लण्डन । गोरखाहरुले ब्रिटिश सेनामा सेवा गर्न थालेको दुईसय वर्ष पुगेको अवसरमा गोरखाहरुले २०२ माइल लामो क्रस कन्ट्री साइकल यात्रा पूरा गरेका छन् ।
आठ जनाको समूहमा रहेका गोरखाहरुले युकेको हिउंद, ठण्डी र हिउँको परवाह नगरी सो यात्रा पूरा गरेका हुन् । कतिपय ठाउँमा साइकल बोक्दै उनीहरु इंग्ल्याण्डको सबैभन्दा अग्लो स्थानमा रहेको टान हिल इन पव, नर्थ योर्कसियरमा पुगी सो यात्रा पूरा गरेको स्थानीय पत्रिका नर्देन इकोले जनाएको छ ।
यात्रामा सहभागी लान्स कर्पोरल रासन गुरुङले भने, ”यो माउटेन बाइक यात्रा मैले आजसम्म गरेका कार्यहरुमै सबैभन्दा कठिन थियो । हिउँ र ठण्डीले झन् साइकल चलाउन गाह्रो बनायो । ”
पोखरा नेपाल घर भएका ३१ वर्षिय गुरुङले भने ”नेपालभन्दा युके धेरै जाडो छ तर हामीले जसजसलाई भेट्यौँ उहाँहरु धेरै सहयोगी र हाम्रो सँस्कृति र नर्थ योर्कसियरको बाक्लो हिउँमा हाम्रो साइकलयात्राप्रति जागरुक पायौँ ।”
‘यात्रा अन्त्य हुने टान हिलमा जाने बाटो हिउँले पुरिएको थियो । जसका कारण हामीले साइकल बोकेर हिँड्नु पर्‍यो’ उनले थपे । तथापि टान हिल, लायन इनमा पाएको न्यानो स्वागत, तातो पेय पदार्थ र आगो तपाईले ती दुःख बिर्सेको उनले बताए ।
यात्रा गर्दा नेपालको पहाडहरुमा गए जस्तै लागेको उनीहरुको अनुभव छ ।
समूहले छ दिन लगाएर सो यात्रा पूरा गरेको थियो ।
गोरखाहरुले सेवा गरेको दुई शताब्दी पूरा भएको अवसरमा सगरमाथा आरोहण लगायतका कार्यक्रम आयोजना हुदैछ ।

 

प्रतिक्रिया

सम्बन्धित सामाग्री

फेसबुक