शुक्रबार, मंसिर १२ २०७७ | Fri, November 27, 2020
नेपालको समय: १०:५८ | UK Time: 05:13

भूपू गोर्खाहरुले दुई सय वर्ष गांठको कार्यक्रम बिथोल्ने

वीनेपाली
२०७१ माघ २० गते ११:१५

gg
लन्डन । भूपू गोर्खाहरुले ब्रिटिश सेनामा गोर्खा भर्तीको दुई सय वर्ष गांठ मनाउने कार्यक्रम बिथोल्ने भएका छन् । यही साल गोर्खा भर्तीको दुई सय वर्ष प्रवेश गरेको छ ।
गोर्खा सत्याग्रह संयुक्त संघर्ष समितिको गत आइतबार बसेको बैठकले उक्त निर्णय गरेको समितिका संयोजक कृष्ण राईले वी नेपालीलाई जनाए । भूपू गोर्खाहरुका ऐतिहासिक समस्या एवं भेदभाव छानवीन गर्न गठित सर्वदलीय संसदीय समितिको प्रतिवेदनपछि बेलायत सरकारले गरेको निर्णयविरुद्ध समितिले उक्त कदम चाल्न लागेको हो । यसअघि बेलायती रक्षा मन्त्रालय (एमओडी) को उक्त निर्णयलाई ऐतिहासिक उपलव्धि बताएको समितिले आफ्ना प्रमुख माग कुनै पनि संवोधन नगरिएकाले सशक्त कदम चाल्नु परेको जनाएको छ ।
दुई सय वर्ष गांठलाई बेलायतले महत्वपूर्ण उपलव्धि र कोशेढुंगाका रुपमा चित्रित गर्दै विभिन्न समारोहसहित मनाउंदैछ । सत्याग्रह समितिले कहां कहां हुने कस्तो कार्यक्रम बिथोली आफूहरुमाथि भएको भेदभावबारे विश्व जगतलाई नकारात्मक सन्देश दिने भन्नेचाहिं निर्णय गरिसकेको छैन् ।
समितिले आगामी मार्च १५ सम्म आफ्ना प्रमुख माग संवोधन गर्न बेलायत सरकारले वार्ताको पहल नगरे अप्रिलदेखि फेरि आमरण अनसन थाल्ने निर्णय समेत गरेको छ ।
यसै साता नेपाल र ब्रिटिस सरकारलाई एमओडीको पछिल्लो निर्णयविरुद्ध कडा शब्दमा निन्दा गरि ज्ञापनपत्र समेत बुझाउने निर्णय गरिएको बैठकको अध्यक्षता गरेका राईले जनाए ।
राईले समितिका सञ्चार निर्देशक दीपक मास्केले दिएको राजीनामा स्वीकृत नहुने समेत बताएका छन् । ‘मास्केजीका केही असन्तुष्टी हामीले बुझेका छौं, त्यो समाधान हुन्छ’ राईले थपे । स्मरणरहोस्, मास्केले समितिभित्र गेसो शैली हावी भएको आरोप लगाउंदै सोमबार लिखित राजीनामा दिएका थिए ।

 

प्रतिक्रिया

सम्बन्धित सामाग्री

फेसबुक