शनिबार, असोज ३ २०७७ | Sat, September 19, 2020
नेपालको समय: ०१:११ | UK Time: 20:26

लन्डनमा चित्रमार्फत नेपाल चिनाउंदै कालुराम

वीनेपाली
२०७१ मंसिर १६ गते १:०४
Kalu 1

तामाङका यस्ता चित्रले बेलायती मन जितिरहेको छ

 

लन्डन । टियर फोर अन्तर्गत बेलायतमा अध्ययन गरिरहेको एउटा विद्यार्थी पिआर लिइसकेका धेरैको नजरमा ‘विचरा’ लाग्छ । सायद विद्यार्थीमाथि बेलायत सरकारको कठोर अध्यागमन नियम, काम गर्न बन्देज, फि लिन कलेज अनि विश्वविद्यालयको ताकेता आदि इत्यादि परिस्थितिले उसलाई ‘निरिह’ बनाएको होला । तर, यथार्थमा विभिन्न व्यवधान बाबजुद पनि विद्यार्थीले देशका लागि केही न केही गरेका उदाहरण भेटिन्छ । यसैको एउटा साक्षी हुन् कालुराम तामाङ । यहां विद्यार्थी स्टाटस्मा रहेपनि उनको चित्रकला पेशा कत्ति डगमगाएको छैन्, व्यस्तता नेपाल जस्तै छ ।

चित्रकलामा नेपाल खोजिरहने तामाङ अहिले आफ्ना केही थान चित्र देखाएर बेलायतीमाझ नेपाल चिनाइरहेका छन् । दक्षिण पूर्वी लन्डनस्थित स्टेफेन 
लरेन्स् सेन्टरमा उनको एकल चित्रकला प्रदर्शनी आइतबारबाट शुरु भएको छ । स्टेफेन लरेन्स् ट्रष्टका संस्थापक ब्यारोनेस डोरेन (ओविइ) ले प्रदर्शनी उद्घाटन गरेका थिए ।

च्यारिटेवल ट्रष्टले नै आयोजना गरिदिएको उक्त ‘स्याडोज् अफ हिमालय’ नामको प्रदर्शनी ३० जनवरीसम्म चल्नेछ ।

यसअघि नेपाल, सिंगापुर र दक्षिण कोरियामा भइसकेपनि बेलायतमा तामाङको यो पहिलो एकल चित्रकला प्रदर्शनी हो ।

‘चित्रमार्फत देशको कला संस्कृति, प्राकृतिक सौन्दर्यता र नेपाल चिनाउन प्रदर्शनी गरेको हुं’, तामाङले सुनाए । तेल, एक्रोलिक र पानी रंगका करिब २६ थान चित्र प्रदर्शनीमा समावेश छन् । एभरेष्ट, अन्नपूर्ण, माछापुच्छ«्रे लगायत हिमाल, प्राकृतिक सौन्दर्यता अनि नेपाल र नेपाली संस्कृति दर्शाउने उनका चित्रहरुले ब्रिटिसहरुको मन जितिरहेको छ । दुई सय पाउण्ड हाराहारी मोल राखिएका ति चित्र किन्न उद्घाटन दिनमै करिब दशजनाले अर्डर दिइसकेका तामाङले जनाए ।

Kalu 2

दोलखा स्थायी घर भएका तामाङको पहिलो एकल चित्रकला प्रदर्शनी सन् २००४ मा कोरिया र दोश्रो सिंगापुरमा सन् २००७ मा भएको थियो । उनको समूहमा भने नेपाल, सिंगापुर, लन्डनमा कयौंपटक प्रदर्शनी भएका छन् । ‘तर, अध्ययन अनि कामले गर्दा चित्रकलामा पूर्णकालिन समय बिताउनै पाएको छैन्’, उनले भने, ‘भविष्यमा नेपाल नै फर्केर यसलाई पूर्ण व्यवसायका रुपमा अगाडि बढाउने सोच छ ।’

नेपालमा फाइन आर्ट एण्ड डिजाइनमा ब्याचलर गरेपछि सम्भावनाको खोजी गर्दै उनी धेरैतिर भौंतारिए । सिंगापुर गएर ननाङ एकेडेमी अफ फाइन आर्टबाट पेन्टिङमा एड्भान्स् डिप्लोमा गरे, एकल तथा समूहगत प्रदर्शनी पनि संगै बढाए । लन्डन आएपछि पनि उनले चित्र कोर्न छाडेनन् । सन्डरल्याण्ड युनिभर्सिटीबाट एमबीए सकेर फेरि उनको एकेडेमी अफ फाइन आर्टमा यहीबारे अध्ययन जारी छ ।

पेन्टिङका अघि कलाकार कालुराम तामाङ

पेन्टिङका अघि कलाकार कालुराम तामाङ

प्रतिक्रिया

सम्बन्धित सामाग्री

फेसबुक