शुक्रबार, मंसिर १२ २०७७ | Fri, November 27, 2020
नेपालको समय: २२:१६ | UK Time: 16:31

कपिलवस्तुको तिलौराकोटबारे लण्डनमा प्रवचन

वीनेपाली
२०७१ मंसिर १२ गते ११:३५
तस्वीर ः बीएनएसी

तस्वीर ः बीएनएसी

लण्डन । ब्रिटेन नेपाल प्राज्ञिक परिषद्ले लण्डनमा वार्षिक प्रवचन कार्यक्रमको आयोजना गरेको छ ।
स्कुल अफ एसिया एण्ड ओरेण्टल स्टडिज (सोआस) मा सम्पन्न यस वर्षको प्रवचनको विषय कपिलवस्तु तिलौराकोट ; नेपालको तराईमा नयाँ पुरातात्विक प्रमाणहरु रहेको थियो । डरहम विश्वविद्यालयका प्रोफेसर रविन कनिङहाम र पुरातत्व विभागका पूर्व महानिर्देशक कोषप्रसाद आचार्य प्रवचनका मुख्यवक्ता रहेका थिए ।
सो अवसरमा प्रोफेसर कनिङहामले कपिलवस्तुको ऐतिहासिक पक्षको चर्चा गर्दै प्राचिन कपिलवस्तुको प्रमाणित हुने प्रमाणहरु प्रस्तुत गरेका थिए ।
उनको अनुसन्धान टोलीले बितेका दुई वर्षमा संकलन गरेका प्रमाणहरुले आगामी दिनहरुमा सो क्षेत्रको उत्खननका लागि थप उत्साह थपेको उनले बताए । अहिले कपिलवस्तु प्राचीन शहर भएको केही संकेतहरु देखिने तर भौगोलिक तथा भौतिक सर्भेबाट बृहत र योजनावद्ध कुसाना सहरको पर्खाल, ठूला संरचनाहरु, धेरै घरहरु र रानी पोखरी जत्रो पोखरी र स्तुपाहरु देखिएको उनले प्रष्ट पारे । यी प्रमाणहरुका कारण सो क्षेत्र कम्तीमा बुद्धकालिन हुनसक्ने उनको दाबी थियो ।
उनले पर्यटक र तिर्थालुलाई सो क्षेत्रको भ्रमण गराउने र नेपालका पुरातत्वविद्हरुलाई तालिम र क्षमता अभिवृद्धि गराउने योजना रहेको पनि जानकारी गराए ।
उनको परियोजनालाई युनेस्कोले सहयोग गरिरहेको छ ।
सोआसको साउथ एसियन इन्स्टिच्युटको सहयोगमा भएको सो प्रवचनको अध्यक्षता परिषद्का अध्यक्ष प्राध्यापक डेभिड गेल्नरले गरेका थिए ।
करिब पाँच दर्जन सहभागी सो प्रवचनका क्रममा प्रश्नोत्तर सत्र पनि राखिएको थियो ।
परिषद्ले आगामी वर्षको प्रवचन नेपालमा नागरिक समाजको उदय र पतनका बारेमा राखेको छ । पूर्व अर्थमन्त्री डा. देवेन्द्रराज पाण्डे सो प्रवचनको मुख्य वक्ता राखिएका छन् ।

 

प्रतिक्रिया

सम्बन्धित सामाग्री

फेसबुक