साफ वीमेन्स् च्याम्पियनशीपका लागि २० सदस्यीय टोलीको घोषणा

काठमाडौं। पाकिस्तानको इस्लामावादमा बिहीबारबाट शुरु हुने थर्ड साफ वीमेन्स् च्याम्पियनशीपका लागि नेपालले २० सदस्यीय टोली घोषणा गरेको छ।

सार्कका आठ वटै देशको राष्ट्रिय टोलीको सहभागिता रहेन प्रतियोगितामा दुई पटकको उपविजेता नेपालले यस पटक उपाधि जित्ने लक्ष्य राखेको छ।

यसअघि भारतसँगै दुवै पटक नेपाल पराजित भएको थियो। प्रतियोगिता नोभेम्बर ११ देखि २० सम्म सञ्चालन हुनेछ।

प्रतियोगिताको तयारी राम्रो रहेको बताएपनि नेपाली टोलीको महत्वपूर्ण भूमिका खेल्दै आएका पूर्व कप्तानहरु जमुना गुरुङ र चन्द्रा भण्डारी, तुलसा सिंह, प्रमिला राइ र दीपा क्षेत्री भने टिममा यसपटक छैनन्। सशस्त्र प्रहरी बलमा कार्यरत उनीहरु शान्ति मिसनअन्तर्गत अफ्रिका देशमा तैनाथ छन्। २० सदस्यीय नेपाली टोलीमा नेपाल प्रहरी, त्रिभुनव आर्मी क्लब र सशस्त्र प्रहरी बलको खेलाडी रहेका छन्।

यसअघि राष्ट्रिय टोलीमा रहेका भगतवी थापा, लक्ष्मी पौडेल, उषा भण्डारी, निशा बोहरा र लिला लाम्घारे अन्तिम सूचीमा हटाइएको छ। २० सदस्यीय टोलीमा नौ खेलाडी नयाँ छन् ।

नेपाली टोली

गोलकिपर: नमिता दली, चन्द्रदेवी दाहाल, एन्जिला राई

डिफेन्स : धिमकुमारी गुरुङ, मनमाया लिम्बु, मेनुका गिरी, पुनम जर्घमगर, अमृता जैसी

मिडफिल्ड: निरु थापा, सजना राना, दीपा अधिकारी, यशोदा लामा, भुजुङ राई दीपा राई

फरवार्ड : रेणुका नगरकोटी, अनिता बस्नेत, साबित्रा भण्डारी, कृष्ण खत्री, चञ्चली बाइवा, अनु लामा।