शनिबार, कार्तिक ८ २०७७ | Sat, October 24, 2020
नेपालको समय: ११:५९ | UK Time: 07:14

जुर्मुराउंदै धादिङ नुवाकोट समाज युके

वीनेपाली
२०७१ भदौ १७ गते १२:४५

10685201_10152695299491197_1043294570_n

धादिङ र नुवाकोटबाट बेलायत आई बसोबास गरिरहेकाहरुको साझा संस्था धादिङ नुवाकोट समाज यूकेको नव निर्वाचित कार्य समितिको प्रथम बैठक सम्पन्न भएको छ । अध्यक्ष बम ब्लदेनको अध्यक्षता तथा सचिब धन तामांगको  संचालनमा स्थानीय ग्रेट गोर्खाज रेष्टुरेण्ट वेब्रिजमा सार्थक छलफल र भावी रणनीति तय गर्दै बैठक सम्पन्न भएको हो ।  बैठकमा स्वागत गर्दै नव निर्वाचित अध्यक्षले संस्थालाई राजनीति, धर्म र जातिय धंङधङीबाट टाढै राख्ने, आफ्नो कार्यकालमा संस्था संग आबद्ध साथीहरुको भावना बुझेर काम गर्ने तथा जिल्लामा केही सृजनशिल कामहरु गर्न अग्रसर रहने प्रतिबद्धता ब्यक्त गर्दै गर्न सबैमा अनुरोध गरे । बैठकमा निवर्तमान अध्यक्ष रामबहादुर वाईवाले आफ्नो कार्यकालमा भए गरेका कामको सबिस्तार जानकारी र सजिला तथा अप्ठ्यारा पक्षहरुलाई बिष्लेशणात्मकरुपमा राखेका थिए ।

बैठकमा संस्थाको बिगतको कार्य समितिले नवनिर्वाचित समितिलाई आफ्नो कार्यभार हस्तान्तरण समेत गरेको थियो । पूर्ब कोषाध्यक्ष रबिन्द्र गुरुङले नवनिर्वाचित कोषाध्यक्ष गोल बहादुर तामाङलाई संस्थाको जिन्सी तथा नगद हस्तान्तरण गरे  भने निवर्तमान अध्यक्ष रामबहादुर वाईबाले बर्तमान अध्यक्ष बम ब्लदेनलाई संस्थाको माईन्युट हस्तान्तरण गरेका थिए ।

बैठकमा आगामी बर्ष गरिने संभावित कामहरुको प्रस्ताब गर्दै अध्यक्षले निकट भबिश्यमै संस्थामा एक आपतकालिन राहत कोष स्थापनार्थ  च्यारीटी कार्यक्रम आयोजना गर्ने योजना सुनाए । सदस्यहरु तथा संस्थासंग प्रत्यक्ष अप्रत्यक्ष सम्बन्ध रहेका मित्रजनहरुलाई भैपरि आउने आपत्कालिन अवस्थामा केहि सहयोग गर्न सकिने हेतुले यस कोषको संचालन गरिने प्रस्ताब सुझाब समेत पास गरियो । त्यस्तै नेपालमा हुने राष्ट्रिय बिपदमा समेत सहयोग गर्न संस्था संधै तत्पर र कृयाशिल हुने बारे सबैलाई अवगत गराइएको थियो ।

नेपाल तथा बेलायतको राष्ट्रिय चाडहरु दशै-तिहार, नयां बर्ष, क्रिशमस तथा लोह्सारको अवसर पारेर डिसेम्बरमा  एक पारिवारिक भेटघाट तथा पुनर्मिलन कार्यक्रम आयोजना गर्ने प्रस्ताब सर्बसम्मतिले अनुमोदन गरिएको छ । । जुनमा बार्षिक साधारण सभा तथा अगष्टमा समर भेटघाट गर्ने प्रस्ताबलाई बैठकले सर्बसम्मतिले अनुमोदन गर्दै थप रचनात्मक सोचलाई बैठले पछि पनि अनुसरण गर्ने निर्णय भएको छ ।

बैठकमा सल्लाहकारहरु नर बहादुर घले, यम घले, रामशरण सिमखडा, संस्थापक अध्यक्ष नारायण गुरुङ, प्रकाश गुरङ लगायतले संस्थालाई पारदर्शी, समाबेशी तथा गतिशिल बनाउन विभिन्न सुझाब दिदै धादिङ र नुवाकोट बासीहरुको साझा र कृयाशिल संस्थाको रुपमा बिकास गर्न आ-आफ्नो तर्फबाट कार्य समितिलाई सक्दो सहयोग गर्ने वचन वद्धता समेत व्यक्त गरेका थिए ।

सो बैठकमा उपाध्यक्ष तुल बहादुर तामाङ, अशोक भण्डारी, मिरा तामाङ, देबी गुरुङ, बिर बहादुर पाख्रिन, दल बहादुर गुरुङ , मेष पाख्रीन , सानु गुरुङ मिन बहादुर घले लगायत समाजका पदाधिकारीहरु  र आमा समूहको उपस्थिति थियो । बैठकको अन्तमा उक्त रेष्टुरेण्टका संचालक दिलाल तामाङलाई स्वादिष्ट भोजनको लागि धन्यबाद समेत दिइयो ।

प्रतिक्रिया

सम्बन्धित सामाग्री

फेसबुक