प्रगतिशील नेपाली समाजले राष्टिय स्वाधीनताका लागि दवाव दिने

लन्डन । प्रगतिशील नेपाली समाज बेलायतको तेश्रो राष्टिय सम्मेलनबाट निर्वाचित केन्द्रिय समितिको पहिलो बैठक २७ जुलाई आइतबार सम्पन्न भयो । समाजका अध्यक्ष रणबहादुर केसीको अध्यक्षतामा फोकस्टोन केन्टमा बैठक भएको हो ।
बीबीक्यू सहित सम्पन्न बैठकले आगामी तीन महिनाभर संगठन विस्तार, सदस्यता वितरण, इकाइ तथा क्षेत्रीय समिति गठन, पुनर्गठन र केन्द्रिय स्तरमा प्रशिक्षण कार्यक्रम सञ्चालन गर्ने निर्णय गरेको छ ।
नेपालमा जनसंविधान निर्माण, पूर्ण शान्ति, विकास, जनजिविका र 
राष्टिय स्वाधीनताको रक्षाका लागि दवाव दिने निर्णय समेत बैठकको छ ।
विदेशिएका नेपाली, विशेषगरि बेलायतवासी नेपालीहरुको नेपाली नागरिकता निरन्तरताको बुलन्द आवाजलाई पार्टी स्तरमा पहलकदमी गर्ने निर्णय समेत उक्त बैठकले गरेको छ । महासचिव तोयनाथ रिजालको सञ्चालनमा भएको बैठकमा कर्णबहादुर शाही, पूर्ण लक्सम्बा, समाजका केन्द्रिय तथा इकाइ सदस्यहरु लगायतको उपस्थिति थियो ।
बीबीक्यू र खाना व्यवस्थापन गर्ने केन्द्रिय उपाध्यक्ष पदमसुन्दर लिम्बु, केन्द्रिय सचिवालय सदस्य छिरिंग शेर्पा, क्षेत्रीय अध्यक्ष मुक्ति लिम्बु, प्रदीप लिम्बु लगायतलाई अध्यक्ष केसीले धन्यवाद दिएका छन् ।