दीप गुरुङको निर्देशनमा यूके लन्डन चुट्का गीत सार्वजनिक

लन्डन । नेपाली संगीत क्षेत्रमा अर्को नयाँ चुट्का गीत यूके लन्डन सार्वजनिक भएको छ।

दीप गुरुङको निर्देशनमा तयार गरिएको भिडियो दीप गुरुङ अफिसियल युट्युब च्यानलमार्फत शुक्रबार सार्वजनिक गरिएको हो । गीतमा लोकप्रिय गायिका मेलिना राई र गायक दीपक गुरुङको आवाज रहेको छ ।

गीतको शब्द यूनिक थापा मगरले लेख्नुभएको हो भने संगीत गायक दीपक गुरुङकै रहेको छ । गीतको एरेञ्ज विशाल निरौलाले गर्नुभएको हो भने मिक्सिङ तथा मास्टरिङ राजकुमार बगरले गर्नुभएको छ । अडियो रेकर्डिङ त्रिवेणी डिजिटल स्टुडियोमा गरिएको हो।

गीतको भिडियो पनि उत्तिकै आकर्षक छ । आनन्द गुरुङ र लक्ष्मी थापा मगरको अभिनय भिडियोमा देख्न सकिन्छ । भिडियोलाई अझ जीवन्त बनाउन कोरियोग्राफर आशिष गुरुङ, छायांकनकर्ता बिजय लामा, सम्पादक पदम सुवेदी र मेकअप आर्टिस्ट हेमा गुरुङको विशेष योगदान रहेको छ ।