जीआरएनसीद्वारा बेलायतमा बालबालिकालाई नेपाली भाषा र नृत्य प्रशिक्षण

लन्डन । ग्रेटर रसमूर नेपाली कम्युनिटी (जीआरएनसी) ले बेलायतमा नेपाली समुदायका बालबालिकालाई नेपाली भाषा र नेपाली सांस्कृतिक नृत्य सिकाइरहेको छ ।

जीआरएनसीले प्रत्येक आइतबार १० देखि ११ बजेसम्म ओयमल स्कुलमा नेपाली भाषाको कक्षा र ११ देखि १२ बजेसम्म नृत्य प्रशिक्षण गराउँदै आएको हो । नेपाली भाषा कक्षा प्रशिक्षण पत्रकारसमेत रहेकी गोमा रानाले दिने गर्नुभएको छ ।

जीआरएनसीकी उपाध्यक्ष सुष्मा गुरुङले संयोजन गर्दै आएको नेपाली भाषा कक्षामा सहायक प्रशिक्षक विभा गुरुङ हुनुहुन्छ । रानाले करिब ७ महिना नेपाली भाषा सिकाउनु हुनेछ । त्यसमा जीआरएनसीका अध्यक्ष मान गुरुङले समेत सहयोग गरिरहनुभएङ्को छ ।

यस्तै नेपाली सांस्कृतिक नृत्यको संयोजक जीआरएनसीबाट दिनेश गुरुङ र सयपत्री नेपाली सांस्कृतिक समूह यूकेका संयोजक कविता घर्तीमगर गुरुङले गर्दै आउनुभएको छ । प्रशिक्षक भने नेपालका ख्यातिप्राप्त नृत्य निर्देशक शेखर घर्तीमगर रहनुभएको छ ।

दुवै तालिम सशुल्क भए पनि निम्न आय भएका र विशेषक आवश्यकता भएका बालबालिकाका लागि सहुलियत दिँदै आएको अध्यक्ष गुरुङले बताउनुभयो ।

प्रशिक्षणमा ५ वर्षभन्दा माथि उमेर समूहका बालबालिकाहरु सहभागी छन् ।