नेपालमा भारतीय पर्यटक सवार बस दुर्घटना : कम्तीमा १४ को मृत्यु, डेढ दर्जनभन्दा बढी घाइते

काठमाडौं । नेपालको तनहुँ जिल्लाको आँबुखैरेनी गाउँपालिका-२ ऐनापहरामा भएको बस दुर्घटनामा कम्तीमा १४ जनाको मृत्यु भएको छ । स

स्थानीय समयअनुसार शुक्रबार दिउँसो साढे १ बजेसम्मको समयमा घटनास्थलबाट १४ जनाको शव बाहिर निकालिएको सशस्त्र प्रहरी बल, नेपालका सहायक प्रवक्ता डीएसपी शैलेन्द्र थापाले जानकारी गराउनुभएको छ । उहाँका अनुसार १६ जना घाइतेलाई उद्धार गरी अस्पताल पठाइएको छ ।

शुक्रबार बिहान पोखराबाट काठमाडौं आउँदै गरेको यूपी ५३ एफटी ७६२३ नम्बरको बस दुर्घटना भएको हो । बसमा अन्दाजी ४० भारतीय पर्यटक रहेको बताइएको छ । सशस्त्र प्रहरी र नेपाल प्रहरीको टोली उद्धारमा खटिएका छन् ।

बस सडकबाट मर्स्याङ्दी नदी किनारमा झरेको छ ।