पूर्व थाई प्रधानमन्त्री थाक्सिन रिहा हुने

बैङ्कक । थाइल्यान्डका पूर्व प्रधानमन्त्री थाक्सिन सिनावात्रालाई चाँडै रिहा गर्ने तयारी गरिएको न्याय मन्त्री तावी सोड्सोङले मङ्गलबार बताउनु भएको छ ।
मन्त्रीमण्डलको बैठकमा भाग लिनुअघि तावीले पत्रकारहरूसंग थाक्सिन यस महिना जेलबाट छुटकारा पाउनका लागि स्वीकृत ९ सय ३० कैदीहरूमध्ये एक भएको बताउनु भएको छ । ७४ बर्वाीय थाक्सिन ७० वर्षभन्दा माथिको तथा गम्भीर रोगको बिरामी भएका कारण जेल छुट्नका लागि सूचीवद्ध भएका उहाँको भनाइ छ ।
करिव छ महिना जेल सजाय भोगसकेका थाक्सिन फेब्रवरी १७ मा रिहा हुने अपेक्षा गरिएको छ ।
थाक्सिन १५ वर्षभन्दा बढीको निर्वासन समाप्त गरेर गत वर्ष अगस्टमा थाइल्यान्ड फर्किनु भएको थियो । उहाँलाई हिरासतमा राखेर विभिन्न अभियोगमा आठ वर्षको जेल सजाय सुनाइएको थियो । यद्यपि, अस्स्थताका कारण उहाँलाई छोटो समयमै बैङ्ककको जेलबाट अस्पतालमा सारेदेखि अस्पतालमा नै रहेको बताइएको छ ।
गत सेप्टेम्बरमा, थाई राजा महा भाजिरालोङ्र्नबाट उनलाई एक वर्ष सजायँ माफी गरिएको थियो ।