रास्वपाले प्रदेश स्वीकारेको हो त ?

काठमाडौँ । प्रदेश संरचनका बारेमा असहमति राख्दै आएको राष्ट्रिय स्वतन्त्र पार्टीले प्रदेश सभापति चयन गरेको छ ।
यसबाट रास्वपाको प्रदेश संरचनाप्रतिको पहिलेको धारणा फेरिएको हो कि भन्ने आशंका पनि पैदा भएको छ । राष्ट्रिय स्वतन्त्र पार्टी (रास्वपा)ले सातै प्रदेशमा प्रदेश समिति गठन गरेको छ । समिति गठनसँगै जम्मेवारीसमेत तोकेको छ ।
प्रदेश नं १ समितिको सभापतिमा राजेश तिम्सिना, मधेस प्रदेशको सभापतिमा तपेश्वर यादव र बागमती प्रदेशको सभापतिमा अचुतम लामिछानेलाई जिम्मेवारी दिइएको छ ।
यसैगरी गण्डकी प्रदेशको सभापतिमा राजन गौतम, लुम्बिनीको सभापतिमा देवराज पाठक, कर्णालीको सभापतिमा धिरजबहादुर वली र सुदूरपश्चिम प्रदेशको सभापतिमा प्रकाश विष्टलाई जिम्मेवारी तोकिएको सो पार्टीले जनाएको छ ।