लखन थापा 

कविता

गोर्खामा जन्मे लखन थापा हुर्किए पल्टनमा 

जहाँनियाँ शासन चलेको थियो त्यो बेला देशमा 

त्यसैको विरोध गरेका थियौ झुन्ड्याइयो रुखमा 

अन्तिम श्वास तिमीले फेर्यौ  खिर्राको बोटमा ।

जागिर उनले  खाएका थिए  गोर्खाली पल्टनमा 

त्यही जागिर छाडी फर्किए उनी जन्मेको ठाउँमा 

निरङ्कुश शासन चलेको थियो त्यो बेला नेपालमा 

त्यही शासन ढाल्न फर्किए उनी प्यारो त्यो गाउँमा ।

लखनले थाले घर-घरमा पुगी जगाउन जनतालाई 

लखनको कुरा सुनेर सबले साथ दिए उनीलाई 

जनताको सेना बनाए उनले त्यो शासन ढाल्नलाई 

त्यो कुरा सुनी असह्य भयो निरंकुश शासकलाई ।

काठमाडौंबाट फौज आयो पक्डन उनीलाई  

लखनको सेना असफल भयो भगाउन तिनीलाई  

राणाको सेना सफल भयो पक्डन उनीलाई 

हातखुट्टा बाँधी काठमाडौं लगे लखन थापालाई ।

काठमाडौँ लगी भनियो उनलाई पश्चाताप गर्नलाई  

जीवनको भिख नमागे पछि लगाइयो मार्नलाई 

गोर्खा नै लगे जल्लादहरुले मार्नलाई उनीलाई 

गोर्खामा पुर्याइ जनताको सामु झुन्ड्याए लखनलाई ।

 क्रान्तिको बिउ छाडेर गए जनताको घर-घरमा 

त्यही बिउ पछि उम्रँदै गयो नेपाली धर्तीमा 

जहाँनियाँ शासन ढलेर गयो २००७ सालमा 

प्रथम शहीद बनेर लखन अमर छन् धर्तीमा ।